حافظة الماي الحار للأطفال ()؟؟ 2024.

بنات انا طلعاتي وايده من البيت وفي بنتي الأولى ما كنت احتاج اني آخذ معايه المراضع والحليب وغيره لأنها كانت ترضع طبيعي فديتها لكن الحين في بنتي الثانيه أنا أعطيها الصناعي ولازم اشيل معايه اغراض الرضاعه مكان ما اسير المشكله اني ابغي شي يحفظ لي الماي الحار لما اروح درب طويله بس ما اعرف وين تنباع او كيف شكلها أصلاً ياليت لو وحده تفيدني وتخبرني بشو أحفظ الماي الحار واذا امكن تحط لي صورة حافظة الماي (( بليز لا تقولون لي حطي الماي في دله )) لأني سالت هذا السؤال للحريم المتزوجات في عايلتنا وكلهن قالوا لي حطيه في دله وفكي عمرج انا ابغي شي ستايل وعملي ًً ومشكورات مقدماًً

الغاليه شوفي اللي ف الصوره ,, ما حصلت غير هالصوره >_<
يبيعونه ف اغلب السوبرماركتات ,, بس يكون لونه فضي .. يحفظلج الماي حار .. وتاخذينها ف طلعاتج .. فيه منه الوان بعد ,, تقدرين تحصلين احمر او ابيض …

https://img.alibaba.com/photo/5013683…um_Thermos.jpg

ان شاء الله عرفتيه ؟؟

انا بعد ابا اشتري بس ابا شي صغير وعملي

شرايج تاخذيلج شوله و غوري
يعني بالله عليج ما حصلتي نحن كل شي متوفر عندنا وها للي تبينه بتحصلينه باصغر سوبر ماركت

مشكوره فديتج ما قصرتي

اشكرج على مرورج اختي

اختي اتحملي عن ينط لج عرج انا ما جبرتج تردين على سؤالي السخيف ارتاحي بس وهدي أعصابج ومشكوره لأنج رفعتي لي الموضوع بردج الغاوي