حالتي تبهدلت وايد برمضان ادعول بالشفاء أو عطوني الحلول 2024.

هلا خواتي الغالات بغيت اقولكن خواتي انه حالتي وايد تبهدلت ما أعرف ليش من بداية رمضان لين يومكم هذا انزين اصبروا الحين بشرحلكم حالتي وهي……….

ارتفاع درجة لحرارة وتمت عندي ملازمتني 8 أيام مع اللوز نازلة معاي والزكام

خلكم من هذا الشي هذا مرض عادي كل وحدة يمكن فيها ها المرض وخاصة في هذي الاجواء المتغلبة

ثاني شي شهيتي انعدمت عن الأكل والسبب مجهول يعني تخيلوا أبدا ما أجوع معني رحت عند الدكتور وتعالجت الحمدلله خفت عني الحرارة يعني آخذ الدواء مرات بدون أكل يعني على الفطور شر العصير وعلى طول أقوم ما احب آكل أحس انه جبدي لايعة علي واريد ارجع لين فترة السحور وبعد ما آكل شي شو السالفة بتقولون حامل لا رحت عن الدكتورة وقالتلي مب حامل عيل شو السالفة الله يخليكم عطوني حل لحالتي انا على هذ الحالة من 5 ايام لا اكل ولاهم يحزنون

ليش جه يا بنات محد رد علي حتى ولو بدعوة حلوة

غاليتي هاي فوحه
اليوم عقب الفطور اشربي طبيخه وامشي لا اتمين ياسله اطلعي عقب صلاة العشا امشي و ارجعي اسبحي واشربي عصير و حاولي تاكلين شوية فواكه

وخذي فيتامين سي الفوار عقب الفطور ان شاء الله بتتحسينين

ريلي يته والله نفس الحاله سوا كل الفحوصات قالوا له ما فيك شي

انا قلت له فيك يوع لانه ما ياكل من بدا رمضان الا فطاير جبن ولقيمات لا دياي ولا عيش
هاك اليوم سويتله نظام غذائي فروت سلط وعيش ودياي وتميت كل شوي اييبله شي
وخذتله فيتامين سي الفوار وتميت اعطيه منه
وعقب العشا اقوله سير شوي تمشى اطلع من البيت

الحمد لله يومين والريال ما فيه الا العافيه

اصرطي خيلة

اة مثل ما يقولون جبدج طايحه تبغي مساح
خلي حد يمسحج

السموحه ما عندي فكره الله يشفيج

شربي حلووول ..وبتسوين عقبهااا بخير
ولا تاكلين اشيا دسمة ,,كلي خفايف

عادي اختي بما انج كنتي مريضه وفيج حمى طبيعي انج ما تشتهين الاكل انا اخر مره كنت مريضه 9 ايام حمى ولوز وزكام وكنت ما اكل مع انه في الفطر ولا اطلع وكله نوم وبعد ها الشي لي فرحني ان وزني نقص 6 كيلو ها شو رايج لا تحاتين والله يشفيج