آكيد كل وحده فينا اتفكر شو اتسوي اذا ربت ومارد جسمها مثل قبل
او اتحاتي ترهل البطن …. شو اتسوي وكيف تتصرف ^ـ^
انا بتكلم عن تجربتي في الولاده الاولى ببنتي
عادةً البكر في الحمل الاول مايكبر بطنها وايد <<<بس ايبين فالثاني اكييد
آولاً،،،،،،،،
(البطن يعتمد على طريقة الولادة )
انا ربيت في مستشفى الكورنيش في ابوظبي
واتعرفون كيف صايره عنايتهم تعيسه شوي في الفتره الاخيره
بس الله وفقني بوحده شاطره اسمها كارين وهي اصلها بريطانيه
بعد ماطلع البيبي تمت تعصر بطني واتهوس عليه بقوه لين ماحسيت انه لصق في ظهريه
ويوم سآلتها امي ليش تعصريلها بطنها قالتها انه حرام هذا اول بيبي وبعدين في بريطانيا
لازم يضغطون على البطن من اول مايطلع البيبي لان عضلات البطن اتكون مرتخيه واسهل طريقه
عشن ايصغرون حجمه انهم يعصرونه ((للعلم اختي ربت في نفس المستشفى بس ماحد سوالها جذي ولو انها اتبعت طريقة حريم العايله وشد بطنها بس بعده مش مثل قبل لا اتحمل))
ثانياً،،،،،،،
(المشد الاندونيسي)
طريقة لفه معروفه من تحت لين فوق وانتي شاده بطنج ورافعتنه وحد ايساعدج في اللف
انا بصراحه لبسته لمدة 6 شهور ونتيجته كانت حلوه حتى صغرلي خصري آكثر مع ان الاندونيسيات يلبسنه سنه كامله ومايعقنه غير فلليل
ثالثاً،،،،،،،،
(اتحكمي في آكلج وشربج)
ماحد ايموت من اليوع …..ابدا كلامي بهالجمله لانه صح هالشي وواقع لو اتبعتيه بتعرفين معناه.
اول يوم
الافطار : كوب حريروه آو حبه حمره + بيضه مسلوقه + توست عليه زبدة الفستق وعسل <<يعطي طاقه عجيبه
كثروا من الماي لانه ايسوي الحليب بس ايكون بدجة حرارة الغرفه
ابدن لاتتقربون الشي البارد
واذا حسيتي باليوع في اي وقت، كلي شابوره آو رمانه ترفع دمج بعد اللي تنزفينه او شربي الحبه الحمره <<مغذيه واتشبع وتعطي طاقه
الغداء: ستيك مشوي + سلطه (مره لحم مره دجاج) السمك بعد ماتطلعين من الاربعين لانه يسوي غازات في بطن البيبي وهو يرضع من صدرج فالاحسن تتجنبينه لين تطلعين من الاربعين
العشاء :روب بالفواكه آو شوربة خضار + سلطه
رابعاً،،،،،،،،،،،،،،،،
(الرضاعه ثم الرضاعه ثم الرضاعه)
بتحسين بتقلصات فالفتره الاولى بس دايماً وانتي اترضعين حاولي تشفطين بطنج
وبعدين ماينززل الوزن الا الرضاعه حتى الدكتور الشمري ايقول رياضة المربي هي الرضاعه .
خامساً،،،،،،،،،،،،
(ابدي من ثالث اسبوع رياضه حقيقيه)
انا اشتريت جهاز اسمه كارديو تويستر شفته على التيلفزيون وطلبته
ينحت الجسم نحات [يركز على الخصر، البطن، الارداف، الزنود] اهم المناطق اللي كنت محتاجه اسويلها رياضه وياني هالجهاز عز الطلب.
خاصةً هالامكان كلها احتباس سوائل فترة الحمل
واهم شي تمارين شد البطن اكنت اسوي 250تمرين الصبح و 250 المسى
بس اهم شي الاراده والعيازه هي اللي اتخرب الجسم
هيه نسيت اقولكم وحده بحرينيه نصحتي بقشر الرمان
قالتلي اغليه وشربيه على الريج مره وفليل يوم بتيين ترقدين مره ثانيه
طعمه مررررررر بس كنت اشربه دافي بعد التمارين بعشر دقايق لان جسمي ايكون حار من الرياضه ويستفيد اكثر منه
انا اول ماطلعت من الاربعين وقفته مارمت اكمل بس اللي بتستمر عليه اكيد بيفيدها آكثر
لانه يذوب شحوم البطن على ما اظن
(الاربعين كوني عروس لزوجج)
فستان يديد + تسريحة شعر + ميك آب + عطرج الخاص + عباة مناسبات <<<<بيحس ريلج انج مسوتله سالفه وانج مانسيتيه مع وجود بيبي بينكم (في رياييل ايغارون من عيالهم لانهم ايحسون ان الحريم ايقصرن او يتجاهلن ازواجهن بسبب العيال )
المهم انا اول ماطلعت من الاربعين لبست فستان كنت لابستنه في اول يوم من زواجنا لونه ابيض تصميم ساهر ضياء والحمد الله انه يازلي و استوى اوسع عليه من عند الخصر
مع اني شاريه فسان يديد بس حبيت افاجئ ريلي باللي وصلتله
وهو استانس لان هالفستان له ذكرياته واول ماشافه قالي بعدج عروس ولو يتبعونج 10 من عيالج
والله يرزقنا واياكم الازواج الصالحين والذريه الصالحه ويوفقنا فيما يحبه ويرضاه
وان شاء الله اكون مفيده لكم ولو بشي بسيط
والحين انا في حملي الثاني وفالشهر التاسع
ادعولي بالسلامه بس ^ـ^
*
عطرتي موضوعي بردج
وبخصوص السؤال:
لا ماكان ايضرها بالعكس حسين انه صار مااييها امساك
وانا ارتحت من صياحها بسبب المغص
حلو موضوعج وايد …
يزاج الله خير وربي يحفظج
أنا جسمي اسميه قاااااااابل للدّسم امبونه فـ كيف مع حمال مستويه بطه ههههههههه
انا حاطه في بالي جدول اسويه بعد الربــــى
وان شاء الله بظيف النقاط لي ذكرتيهن فيه
يزاج الله خيييييـــر ، ماقصّرتي ..
والله يسعدّج ويسّرلج ولادّتـج
وان شاء الله اكون مفيده لكم ولو بشي بسيط
والحين انا في حملي الثاني وفالشهر التاسع
ادعولي بالسلامه بس ^ـ^
فديتج تقومين بالسلامه
والله موضوع كافي ووافي ومفيييد جدآ ..
اشكرج من كل قلبي انج خبرتينا عن اشيا راح نستفيد منها فحياتنا
سواء للمعرسات وغير المعرسات
ربي يسخرلج زوجج وعيالج ان شاء الله ..
وبالتوفيق غلايه