انا صارلي 3 سنين و نص متزوجة و ما حملت .. الحمدلله رب العالمين على كل حال ..
المهم انا تعبت من الادوية و الابر و جسمي انتفخ و دورتي اتلخبطت بعد ما كانت مثل الساعة 
و استوت ما تنزل إلا بالزووور و اتم اتنقط 3 او 4 ايام عقب تنزل يوم و نص او يوميييين بسسسس تخيلوووا !!!
المهم الغاليات ماريد اطولها عليكم ..
انا باجر بسير عند ام صقر اللي اللي تمسح و تسوي كاسات هواا ..
انا رمسيتها بالتلفون و قلتلها وضعي قالتلي بعطيج علاج (اعشاب).. انا واااايد ناس مدحولي ياها .. بس انا اخاف من سوالف الاعشاب …
اللي جربت هالسوالف و جربت ام صقر تحديدا يا ليت ما تبخل علي بتجربتها لأني بسير باجر الصبح قبل لا اسير الدوام … و مترددة آخذ اعشاب او لا .. هيه قالتلي انها تنظف الرحم عسب جيه ابا آخذها و محتارة ..
انتظر ردووودكم اليوم الله يخليكم …
و الله ما عندها علم … اتمنى تدعيلي بالذرية الصالحة و الحمل السليم ..حتى لو في قلبها بدون لا تكتب ^___^ ..
ربي يرزقج خيرها يارب..توكلى على الللللللللللللللللللللللله..
بالنسبه للأعشاب أنــــا أول مره خذيتها هالشهر ,,,,,,,,, والحمدالله بالنسبالي ما انضريت منه ,,,,,, بس طعمه موووول مب شيئ بس معليه لازم نصبر
وبالنسبه لكاسات الهوا ,,,,,, جربتها هي تكون مؤلمه شوي لانه عندي ميلان في الرحم والحمدالله ع كل حـــــــــال
وغير جي عطتني تحاميل بس ما حطيتها لاني اخاااااف من هالسوالف ؟؟؟ فياليت لو حد جربه اتفيدنا ؟؟
والصراحه ام صقر فديتها يا ربي والله انها انسانه طيبه وأبدا أبدا مب ماااااديه ,,,, الله يعطيها الصحه والعافيه
والله يرزقج ويرزقنا قريبا
الغالية وايد قريت فايدة سورة البقرة،،،، بس،،، باستمرار
كل يوم كل يوم اقري،،، وبإيمان ان رب العالمين هو الرزاق،،
وان شاء الله بيرزقج من فضلة
ولا تنسين قولي" يا أرحم الراحمين"
و " ربي لاتذرني فردا وانت خير الوارثين"
المشاركة الأصلية كتبت بواسطة عزيزة نفس7 
بالنسبه للأعشاب أنــــا أول مره خذيتها هالشهر ,,,,,,,,, والحمدالله بالنسبالي ما انضريت منه ,,,,,, بس طعمه موووول مب شيئ بس معليه لازم نصبر
وبالنسبه لكاسات الهوا ,,,,,, جربتها هي تكون مؤلمه شوي لانه عندي ميلان في الرحم والحمدالله ع كل حـــــــــال
وغير جي عطتني تحاميل بس ما حطيتها لاني اخاااااف من هالسوالف ؟؟؟ فياليت لو حد جربه اتفيدنا ؟؟
والصراحه ام صقر فديتها يا ربي والله انها انسانه طيبه وأبدا أبدا مب ماااااديه ,,,, الله يعطيها الصحه والعافيه
والله يرزقج ويرزقنا قريبا
هلا اختي و مشكوورة على الافادة .. و انا جربت كاسات الهوا عند ام صقر بس من زماااان وايد و ما سرت غير مرتين .. و فعلا هيه مب مادية و تقول اذا ما عندج مب لازم الله يعطيها على قد نيتها ..
و الاعشاب اتخيل طعمها بس شو بنسوي…و سوالف التحاميل هيه اللي تخوف .. بس اذا عطتني بوكل امري لله و باخذهن ..