عندي كمن سؤال بخصوص حبوب الرضاعة لمنع الحمل… ويا ريت ما تبخلون عليه بتجاربكم..
انا مربي من 8 شهور تقريباً،، وطول ها الفترة واحنا نمنع عن طريق الواقي..
بس انا بغيت اجرب الحبوب ..يا ريت لو اتخبروني شو احسن نوع للمرضع؟
وهل لازم استشير دكتورتي قبل ؟
ويزاكن الله خيييير 
لاكن احسلج تروحي حق دكتوره هي تشوفلج حبوب تناسبج احسن
شكرا خواتي على ردودكم =)
المشاركة الأصلية كتبت بواسطة ام ميثاني.. 
معقوله؟ =( ما كنت ادري!
يا ريت خواتي لو اتفيدونا بتجاربكم…
ويوم قلت حق الدكتوره مول مانصحتني وقالتلي انا ما انصح البجر تركب لولب لأنه ممكن يسببلها نزيف أو حمل خارج الرحم أو يجلب الرحم وفي أسوأ الأحوال ممكن يسبب عقم… بصراحه زيغتني وقالتلي دام ترضعين بعطيج حبوب منع الحمل الخاصه بالرضاعه ماحيد شو اسم الحبوب
بس هي نبهت علي إني لازم آخذهن كل يوم في نفس الموعد… وأختكم في الله خذت أول حبه واليوم الثاني نست خخخخ… خوش ذاكره ما شاء الله…. جان افرهن وقلت ماباهن كله ولا إني احمل وولدي بعده ماكمل شهرين
عقب ماكمل ولدي 4 شهور سرت عند الدكتوره زينب الشنار في دبي وقلتلها ابا اركب لولب وهي بعد مانصحتني وقالت إنها من سنين ماتركب لولب لأنها ركبت حق ثنتين كانوا بجر وياهم عقم ووحده حملت ع اللولب وبسبة ضغط الياهل دش اللولب في معدتها وسوولها عمليه عقب الولاده عسب يظهرونه… زياااااغ صراحه
وقالتلي الحبوب بعد متعبه لأنها تسبب نزيف وتغير نفسية الوحده وتسبب اكتئاب… والإبره تلخبط الدوره وبعد تسبب نزيف وقالتلي أحسن حل المنع الطبيعي
وما شاء الله هالطريقه اللي اتبعتها ويا ريلي لين ماكمل ولدي سنه و3 شهور وعقب وقفنا المنع وحملت بالثاني وبإذن الله بسوي جيه عقب ماربي بالسلامه… بلا حبوب ولا ويع راس واكتئاب
أدري طولت عليكن وقلت قصة حياتي… بس هالكلام قلته للفايده
والسموحه