السلام عليكم ورحمة الله وبركاته
وايد بنات يتكلمن عن حب الرمان بغيت اتخبركن كيف شكله ومن وين يشترونه
وكيف يسونه
وايد بنات يتكلمن عن حب الرمان بغيت اتخبركن كيف شكله ومن وين يشترونه
وكيف يسونه
االغاليه حب الرمان بيكون شرات الزبيب بس لونه مثل لون الرمان وحامض
بتلقينه عند العطاريين وفي الجمعيه نحن ناخذه من جمعيه الاتحاد التعاونيه
تقدرين تحطينه حق البرياني وللعيش الابيض مع البصل
بتلقينه عند العطاريين وفي الجمعيه نحن ناخذه من جمعيه الاتحاد التعاونيه
تقدرين تحطينه حق البرياني وللعيش الابيض مع البصل
الطريقه مثلا انتي بتسوين العيش الابيض ويا البصل
اتفورين العيش وفي هذا الوقت تقلين البصل ويا الدهن وقبل لا يستوي لونه ذهبي تحطين حب الرمان بعد ما تغسلينه تقدرين اتضيفين كاجو وزبيب بعد ويوم يخلص العيش هاتي جدر ثاني وحطي شوي من الحشوه في الجدر وعقب حطي شوي عيش وعقبها حطي كل الحشوه واخر شي العيش تقدرين اتحطين ماي ورد ويا زعفران فوق العيش وعقب اتخلينه اشوي على نار هاديه لمده 5 دقايق ووقت التقديم حركي العيش لين يتجانس ويا الحشوه
والسموحه
وأنا بعد ابا أعرف بس ابغي اشوف صورته
الصراحه مب متوفر عندي حاليا
هو يشبه الزبيب بالضبط ولكن لونه احمر اسألي العطارين وبيعطونج اياه
يبت لكن صورته من الانترنت ويسمونه بعد الزرشك
عند الإيرانية اللي على البحر إذا إنت من الشارجة..والحين بس يابوه الجمعية..
في وايد من الناس اتفكر انه هذا رمان مجفف .. بس هذا مب رمان.. و الإرانيين مشهورين فيه.. إذا رحتي أي مطعم إيراني بتحصلينهم ايحطونة فوق العيش بروحة بدون أي منكهات و لا حمسة..