من غلاك و كثر ما احبك حتى درب العين حبيته اوصلك مشتاق و افرح بك فرحة الغايب دخل بيته
لا تضيق يالغلا قلبك غيرك و لو مات ما جيته لك قسم يا شوق و بربك غيرك شخصك ما تمنيته
عشت فيك الليل و اسهر بك لين شوق الحب هديته و شلي بنجم السما عقبك يا قمر في القلب ضميته
ان مشيت الورد رحب بك و الهشيم الميت احييته و ان ضحكت الصبح يشرق بك و ان زعلت الليل ضويته
مستحيل اخون و اغدر بك و العهد يا شوق وفيته كيف اخون و دايم اشعر بك قربي و زولك تهاييته
بسم الله الرحمن الرحيم قررت اكتب رواية باسم حتى درب العين حبيته..
احداثها تدور عن بنات جامعة الامارات وبالأخص بنات السكن..احادثها بتكون خيالية واقعية ممزوجة من كل شي..
قررت كتابتها لتسلية ولتخليد ذكريات وبعد لناس اللي ماتعرف عن بنات السكن وتغير نظرتها حقهم..
واتمنى الرواية هذي توصل لاكبر عددمن البنات ويستمتعون بقرايتهاوالناس بشكل عام ..
حبيت اقولكم انني لي اسلوبي الخاص في الكتابة ماحب اتبع نظام معين يعني بتكون الرواية بشكل عفوووي وبلهجتنا طبعا عشان ماتكون مملة ..
تنبيه خاص الاحاداث اغلبها بتكون من خيالي وشخصيات خيالية يعني ما اقصد فيها اشخاص معينين .. اللي حاب ينقل الرواية ينقلها بأسمي وليس باسمه .
اليوم ان شاء الله بكتب البارت الأول واتمنى ان تنال اعجابكم واتقبل انتقداتكم وااقتراحاتكم الحلوة .. 
في ايام الصيف قبل سنتين ونص يعني سنة 2024 تخرجنا من الثانويةالعامة والحمدالله افتكينا من التعببب سلمنا ع بعض وكأنه مابنشوف بعض مرة ثانية ابدا؟؟اقصد بنات صفنا خصوصي الأدبي والدموع
وحالة وكل وحدة ف قلبها تفكر شو مستقبلها وكيف بتكون حياتها والأبلوات حزينات ويودعنا رغم شقاوتنا..!!ويوصونا لاتفترقون هاي الكلمة للحين في بالي..ولكن ليت من سمعها طبقها لاتستعيلون ع
الاحداث ياية.. البعض اختار يعرس ومن بعدها انقطعت اخبارهم والبعض راح جامعة مختلفة ولكن الأغلب متوجه الى جامعة الامارات فالعين((وانا منهم طبعا)) ,,والحين بتبدي حكايتنا وحياتنا اليديدة..
من غلاك و كثر ما احبك
حتى درب العين حبيته
اوصلك مشتاق و افرح بك
فرحة الغايب دخل بيته
++++,المهم ماعلينااا يت اجازة الصيف وأول شي سويناه الهجوم على الشبرية وسبات عمييييييييييق الى ماله نهاية بعد التعب والكراف وانتهت اجمل سنين عمرنا وابدت حياة يديدة ومختلفة
ومجهولة في نفس الوقت ولكنها حلوة..!!وماكان على بالنا ونحن نودع بعض قاعدين نودع حياة الطفولة رغم كنا في المراهقة ولكن اللحين خلاص صار كل تصرف محسوب علينا ,,اوه لحظة لحظة اعرفكم
على نفسي انا مريومة راعية القصة بدش عليكم في احداث القصة بين حدث وحدث..نرد لروايتنا طبعا اكل كان متحمس واولهم انا وربيعاتي للجامعة طبعا مب لدراسة اكثر شي متحمسين حق shopping
timeكل وحدة تسير السووق لازم ندش الايميل ونروي بعض شو مشترين..؟؟ماكان عندنا بيبي بعدنا عما قرريب لاتستعيلون لاحقين لنقص النظر..الكل كان متروع منا في العايلة ماشي مكان حتا تحط ريلك
فالغرفة كلها أكياس ..امي:عنبو متأكدة مب رايحة تعرسين.؟؟شو بتسوين فينا يوم الزهاب الله يستر هذي جامعة وجي..اختكم مريوم وشلتهااا وطبعا معظم حال البنات كاانو رايحين رادييييين استعداد لسكن
توااام والاستعراض بالملابس الحلوة ههههههه تعرفون حركات بنات بعد..
انا:اخوي اخوي العزيز
اخوي:نعم شو تبين من الاخر
انا:ابا اسير امارات مول اشتري اغراض ناقصتني بلييييييييييييييييييز
اخوي وهو فاتح عيونه اخر شي:نعم نعم انتي ليكون رايحة تعرسين من ورانا صدق بنات .
انا بنظرة بريئة:بلييييييييييييز بس هاي اخر مرة ابا اخذ بيجايم شوي وبدلات شوي وعطور شوي ومكياج ووو اخوي:خيبة خيبة بس بس سكتي كل هذا اللي يشوفج ماعندج شي فالكبت مول ركبي السيارة عندج دقيقة.
انا:وافديت اخوي احين ها دقاايق(طبعا بعد ساعتين خلصت)ورحنا وخميت الدنيا ومافيها…
ومع مرور الايام..
يوم الجمعة بالليل كنا بالباجر الظهر بنروح<<طبعا اللي مايعرف نظام بنات السكن من امارات ثانية يوم الخميس يردون على العصر جي والسبت نروح الساعة 2 الظهر..البيت بالنسبة لنا انعكس صار فندق والسكن هو البيت ههههه..
ماعليناا نرد ليوم اليمعة فليل الكل متحمس واتصالات وحالة شو شليتو وماشلينا وشو ناقص ومتى بنروح وووين التجمع ولووووووووية وحالة ولكن في قلوبنا فراحين وفي نفس الوقت خوف من المجهول
اللي يتريانا في سكن توام..طبعا سكن توام حق أول سنة للمستجدين بس…رحت انام وحطيت المنبه على الساعة 9 الصبح..؟؟متحمسة زيادة عن اللزوم اونة يمكن يسدني الوقت بعد عشان اتجهز وو
أكشخ.؟؟
يحليلنا واللله >>الله يرحم ايام احين انش قبل ب نص ساعة يالله يالله…
جهزت وتغديت وسلمت ع اهلي وهذي اول مرة اترك فيها اهلي وأسيرر وهذا شعوركم انتو بعد صح؟؟..وشي من الامهات يصيحون واللي واللي ..المهم ركبنا الباااص وحطينا الشنط
والكفرر يعني الفراش اللي بنرقد عليه كان ثقيل اووووف يلا يلا <<متعودين ع الدلع ..اللحين يايينا الخير طبعاا دلع الاهل انسووه ولا انسو شي اسمه سكن…تيمعنا وسلمنا ع البنات
من اولهاااااا وأنا اسولف على يميني ويساري ابا اتعرف على بنات اونة هههه شادة الحيل؟؟..وانطلقناا ونحن فالباص ونخطط شو بنسوي ومع منو بنسكن فالغرف ومب ع كيفهم بنختار
اللي نباه من اوولها داشين بظرابة وكانو مطرشين لنا في الايميل رقم البناية والغررفة..وقاعدين نطالع منوو يطلع ويانا؟؟…وتقريبا كنا في نفس المبنى الحمدالللللللله…
.وتم الووصول الى ارض توااام..ماقدر اوصف لكم شعوورنا كيف كان نطالع المكااااان وكان في خوف بسيط..واول مانزلنا الدارلقنات في الاستقبااااال,,,يحليلهم والله فالشمس وفوق
روسهم حاطين فوطة السباحة..اونة عن الشمس يعني ونحن طبعااا مدلعات حظرتنااا كل وحدة مسكت لها دارلنق وعطتها ورقتهاا مب عارفين شسالفة؟؟هههه كان خاطري احب
الدارلنق اللي ودتني مبناي وغرفتي؟؟؟..اول مادشيت اطالع المكان لالا حلوو مب شرات ماصوروه لنا..وودتني الغرفة وانا قلبي يدق يدق؟؟ابا اعررف منو وياي فالغرفة خايفة كنت
اونة مابا بوية<<مروعينها بنات الدفعات الجديمة..
وووووانفتح الباب
ابتديــنا بحــلم صـــعب وامنياتنا بالتوافيق..
ودعينا لصـداقة ودعواتنا مابالعمر خابت…
<<بقلمي…
وابتدت حياتي وحياتناااااا وحياتكم اليديدة مع سكن توام وجامعة الامارات..؟؟
ترقبووني في البارت الياي؟؟
مع اول اسبوع في سكن توام وابتداء التحريب فينا…
ّّمـــصـارعاتـنا لنــقل في جــناح واحــد
ّّمن أولهـــــــــــــا…؟؟؟؟
ّّشلة الشـــحــوح
ّّاشتيااق الأهـــــــل 
تـــرقــــــــبــــــوني في…… part 2……..
روايـــة حتى درب العين حبيته للكاتبة Emy
و نترقبج ختيه فالباارت الثااني
بس لو تحددين يوم للبارتاات يكون احسن ^^
فديت العين وأهلها
وأيام السكن أيام لا تعوض
أحلى تحية لدفعة٢٠٠٢ ولبنات سكن توام ومقام ٢
ابدعتي ونتريا البارت ٢
بانتظارج للبارت الثاني لاتتاخرين عنا بليييز