يا مرحبا الساع
بنات ختيه دلتنيه ع المنتدى و هي كانت مسويه هالنك عسب مشكلتها ويا ريلها بس بخبركن انها تطلقت و هيه راضيه بنصيبها ^^
المهم : –
انا مالجه من اسبووع و تونيه يديده ^^
بس بتخبل من الحينه ..
بنات انا و ريلي كله نتواصل بالمسجات و يمكن نرمس مرتين في اليوم ع الفون ..
وين المشكله :
المشكله ان نرمس بالمسجات و فجأه يسكت و ما يطرش و في هالوقت اكون يالسه اترياه يرد على آخر مسج انا مطرشتنه ..
و عقب ساعه يطرش ها العيوز وين اختفيني ! ترانيه انا آخر وحده مطرشه ! و اترياك ترد !!
و اذا سرت المول ما يسأل عنيه و يوم ارد يقولليه ما فكرتي تتخبرين عنيه لازم المول اهم
شو اسوي ويااااااه !
و المشكله الثانيه انه اكبر عنيه بـ 10 سنوات .. انا 20 و هو 30
و هو متعود على اسلوب الشواب .. يعني فلان بسير المول شو تسوين هناك تدورين سرج و لا سر امج !
خيبه ليش هالرمسه انزين !
بحدر المسن شويه ! شو تسوين بترمسين امج !
خلااااااااااص بتخبل هههه هب قادره افهمه
يريدنيه انا الي اسأل انا الي اداريه و انا الي اهتم
ماباااا انا اباه يدلعنيه هب انا ادلعه
انا يوم وافقت قلت هذا 30 و انا 20 بيدلعنيه هههه ما اتوقعت العكس
انتي واااايد مكبره الموضوع خيتوه ..
شوه بلاج عاادي ..
يوم مارد على اخر مسج يمكن ماشي رد او انشغل ..
وعقب فتره شاف التلفون ماشاف شي منج .. ويدورج فقط لا غير
مب لازم يرد على اخر مسج ..
وبعدين لا تمين تحسبين .. يعني انا طرشت اخر مره ومابطرش الا يوم هوه يطرش ..
عادي .. طرشتي مارد عليج .. عقب فتره طرشي شي سوالف اي شي يعني لا تمين تحسبين الاتصالات ..
وحركه المول بعد واااايد طبيعيه .. كلهم جي
يشوفونج تسيرين وناستنهم موووووليه .. عشان جي يقولون هيه من سرتي نسيتينا
عاادي يعني يوم انتي في المول طرشيله مسج .. حسسيه انه على بالج مب انتي لاهيه عنه ومنشغله ..
وسالفه مقصوص سرج هنااك خخخخ حدث ولا حرج ..
انا لو بسير بيت يدوه ابويه شوه قاصين سرج ..
كلمه يقولونها على كثر التردد على المكان ..
وبس لا غير ..
وانتي حاولي تقللين من المسجات لا تعودينه كل كلامكم بالمسجات
خففوا المسجات وكثروا الاتصالات احسن ..
وبعدين حياتي 30 مش كبير وشيبه وهوه اللي لازم يدلع
30 يعني توووووووووووه بيعقل بعدهم خخخخخخ
وبعدين لو ماتدلعين ريلج بدلعين منوه ؟؟؟
واذا انتي دلعتي بتعلمينه وبيدلعج بس اذا انتي جافه بعد بيتعلم وبيستوي جاف شراتج ..
يقولج ريلج على ماعودتيه اذكري ها الشي عدل ..
المهم امممم مادري احس السالفه عاديه ومايبالها مستشفى ميانين !!
اذا عن اسلوبه ..على قولتج اكبر منج وتتريين انه يدلعج ..ادلعي عليه عسب يدلعج والا الدلع ما بيي منه والدرب
اذا رده ما عيبج ادلعي عليه قوليله بس بطريقه حلوة وغير مباشره ان هالاسلوب ما يعيبج 
اذا عن مولات وهالسوالف كل ريال وطبعه انا ريلي اكبر مني بسنتين ومووووووول ما يحب المولات
الا للضروره بس ….اما اسير اتمشى واشوف ويمكن يعيبني شي ما شيات لا ما يقتنع
يعني يرجع لشخصيته
وبعدين انتي توج مالجه وبعدج ما عرفتي طبعه عدل ولا هو عرف طبعج عدل
وخذيها مني كلمه حاولي تكسبينه من الحينه وتعلمينه على طبعج وشو تحبين وشو ما تحبين
ترى الرياييل في فترة الملجه سهل انهم يتروضوون لكن عقب العرس يبالها واايد خخخ
الله يوفقج ويسعدج يارب ..والله يوفق اختج فحياتها
لا تنسيني من دعائج لي ولريلي وعيالي
أنتي حاولي تتصلين فيه … وصارحيه انج ماتحبين المسجات
وشوي شوي بيتعود … قوليله لازم نتعود على بعض قبل العرس
والبسبة لطلعاتج … حاولي دوم تخبرينه وين بتسيرين وليش … يعني مب شرط تقولينله بسير تحوط … قوليله أنج بتسيرين تشترين الشىء الفلاني عشان يفهم انتي ليش طالعه!
والله يوفقج يارب
فديتج والله هذيل الرياييل وطبعهم
يالله فديتج ما تيسيرين تقولين لهم جلمة
والخيبة تخيب العدو وهو يعق عليج الرمسة عادي
فديتج انتي توج صغيرة وتوج مالجه تبين وقت الين
تتعودين عليه والريال فديتج شرات الياهل يبا مساير
يعني اذا قالج عيوز قوليله العيوز ما تاخذ الا شيبه واضحكي
واذا قالج ادورين سرج والاسر امج قوليله هيه ادور سري
واذا قالج شي قوليله هي سري اللي بيحليني في عينك اصلان انته تتمناه سري
بس قوليله وانتي تتدلعين هب معصبه واضحكي والريال مايحب اللي تعصب وتتحرطم
قوليليه اللي فخطارج وردي عليه بس بأسلـــــــــــــــــــــــــــوب فكاهي
ولاتنسين يوم بتعرسون وبتتعودين عليه بتتفاهمون
ومابتحتايين مستشفى ميااااااااااانين
ما عليكن زوووود
يعل ما يخيب ظنكن في عبادهـ
و سالفة السر ههه سالفه عاديه ..
ما فيها شي,حلو تكونين صاحبة المبادرة ويمكن لأنه أكبر منج يباج ادلعينه وتهتمين فيه أكثر
واذا على أسلوبه تقدرين تقعدين معاه وتناقشينه وتقولين له أن هالأمور تضايج فيج
أو ما تحبين تتعاملون بهالأسلوب,صدقيني بالكلمة الطيبة والأسلوب الحلو تقدرين تغيرينه
أما إذا قعدتي تتذمرين وتتشكين أكيد بيطفر من هالأسلوب
فديتج لازم تتغاظين عن هالأمور وتاخذين السالفه بمزح وسوالف
وربي يديم عليكم المحبه