حد تعرف عن التابعة لجامعة الشارقه 2024.

السلام عليكم ورحمة الله وبركاته

خواتي انا سمعت عن كلية المجتمع تبع جامعة الشارقة
اللى كانوا يسمونها زمان التأهيل
وهو فيه دبلومات اداره وكمبيوتر وغيره
الله يخليكم اللى تعرف اى شي او حد من اهلها يدرس
هناك او هي تدرس تخبرني متى يفتح التسجيل.؟
وهل هي زينه او لا؟
كم ساعة دوامهم من الساعه كم ل كم؟
وانا سمعت ان لها فروع
ابى اعرف وين الفرع القرب لدبي؟

والسلام عليكم

مرحبا (( كراميل))

الغاليه ماجذ سمعت عنها والله..

بس أذا حابه أتعرفين موقعهم بدبي.. (( ممكن تتصلين فرع الشارجه وتسألينهم ))..

والسموحه حبوبه

هلاالغالية لا فديتج ما عندهم فرع بدبي
كل فروعهم متوزعه بالشارقة
بس قصدت وين اقرب فرع بالشارقه لدبي

سالت قالوا لي مو معترف فيها ..بس تاكدي من غيري

حبيبتي هم عندهم فروع بالمناطق اللي تابعه للشارجه
بس اذا انتي جوازج مش من امارة الشارجه التدريس يكون بفلوس
لان هالكليه خاصه لاهل الشارجه ومناطقها والتسجيل يبدا ان ماخاب ظني شهر 4
بس انتي اتصلي فيهم وتاكدي احسن عن وقت التسجيل ووين مكانهم بالضبط بالشارجه
وبعدين كلام اختي سوارفسكي صح هم يقولون معترف فيها بس هي اصلا مش معترف فيها لان اعرف وايد بنات تخرجوا منها وماحصلوا شغل
وهم يقولون لج ببداية الدراسه ان هم اللي يدخلونج دورات بعد الدراسه ويلاقون لج شغل

الغاليه خلص وقت التسجيل كانوا محطين اعلان في جريدة الخليج من اسبوعين تقريبا
عن التسجيل واعتقد كان اسبوع بس

السموحه الغاليه تأكدت من الموضوع
التسجيل بيخلص 3 / 5
الفرع القريب لج موجود بجامعة الشارجة
واذا جوازج من امارة دبي بيكون ببيزات اذا ما خاب ظني 15 الف بالسنة
والتخصصات إدارة وتقنية معلومات ومحاسبة وسكرتارية
ومدتها سنتين
بس الجامعيات سنة وحده
دواماتهم صباحي من 8 ل 2

اتمنى اني اكون افدتج

السمووووووحه