مرحبا
شحالكن يا حلواات ؟
من زماان عن هالقسم و اليوم كنت افكر في موضوع قلت بتناقش فيه وياكن 
السالفة ومافيها انا واختي اللي اصغر عني من استوينا نلبس شرات بعض
يعني دووووم مطقمين من الصغر مع ان الفرق بينا 3 سنين !
لأن يوم كنا يهال ماما دوم تاخذلنا مثل بعض و هي كشيّخه من يومها >> كيفي امدح أمي خخخ
المهم الحين كبرنا انا عمري 20 و هي عمرها 17 بس ما نقدر نغير هالعاده هههههه
كل ما تاخذ شي لازم تاخذلي شراتها و انا بعد كل ما اتسوق اشتري من كل شي 2 لوول
و سبحان الله قياساتنا و اجسامنا نفس الشي بالظبط ! بس ما نتشابه في الجمال ولا الملامح ^.^
حاولت اني انفصل عنها و كل وحده يكون لها ستايل خاص فيها بس ما قدرت
كل شي عندنا طقم من البجامات لين الجلابيات و المخاوير والجنزات و الفساتين و العبي و الشنط و النعول و حتى المكياج خخخخ
بتضحكون لو قلتلكم حتى في الاعراس نلبس فساتين شرات بعض و احيانا اونه نغير كل وحده لون
اممم خبروني حد من الخوات شراتنا ؟!
و شو رايكن في هالشي حلو ولا مب حلو ؟
الموضوع للفرفششه اتريا تفاعلكن ^_*
نحن ماشاء الله تبارك الله 7 بنات وكل وحدة لها ستايلها وشخصيتها ومانتشابه ^____^
الله يحفظكم لبعض يار ب
انا واختي اللي اصغر عني بسنه نفس الشي… بس انا وهيه واااااايد مع بعض … صح اني عرست
وهيه بعدها بس شوفي بنتي كيف متعلقتنها جنها اناااا .. فديت قلبها الله يحفظها …
ما بتصدقين لو قلتلج السالفه .. قبل اسبوعين ناشه تتسحر الساعه 3 وسارت المطبخ
التحضيري ورجعت حجرتها وشافتني ع شبريتها !!!
متخيله ……… وانا وين الفقيره مع ريلي ومب عندهم فالبيت ههههههههه …. قالت تسمّرت مكاني ورحت اطوّل
ع القرآآآن والتفت وما حصلتج ……. شوفي شكثر متعلقين مع بعض … الله لا يحرمنا ولا يفرقنا …
ذكرتيني بأيام زمان لما أمي الله يرحمها أطقم لنا أنا و أختي مع ان الفرق بينا شراتهم سنتين بس
ممم بالعكس أنا إشوف هالشي حلو و كيوت انج أطقمين مع أختج لأن بنات هالايام كلو حده تعار من أختها و تبا تكون مميزه
ممم عادي أنا لما اطلع أخذ لاختي شراتي يعني جلابيه ولا شي خفيفه
بس أحين يوم يونا عيال قمنا انطقم عيالنا مع بعض أنا عندي بنات و هي أولاد نلبسهم نفس اللون ولا مرات كله جينزات و اختلاف القمصان و مرات يتحروهم توائم
انا واختي اللي اكبر عني نفس الشي صح اننا الحينه متزوجات بس اغلب الاوقات نتشرى نفس بعض تقريبا كل شي
حتى اذكر اشترينا نفس الشنط ومريت اييب ولدها من النادي وتم يضاربني اونه ليش شاله شنطة ماماتي خخخخخخخ
.. الله يخليكم لبعض ..