حرص ابوي الشديد علي 2024.

انا من فتره نزلت موضوع نصايح ابوي لي

ربي يحفظه

المهم خواتي

انا قبل كنت اظايج يوم اشوف ابوي حريص علي وايد لرجه اني اظايج

بس عقب ما قعد وياي وفهمني سكت وقلت من حقه

بس الحين ردت لي الظيجه مره ثانيه

يعني قبل فتره كنت مرقده ويامي بالمستشفى كان كل يوم يدق لامي ويقولها انتبهي عبنتج

لا تخليها تطلع وايد قدام الرياييل بالمستشفى

كانت امي تقوله لا تخاتي بنتي طول وقتها عندي

كنت استغرب اقول لامي ابوي بلاه جي يقول شو حتى ما يباني اطلع انا شو يخصني بالرياييل

كانت تقولي ماعليه يابنيتي يخاف عليج

المهم سكتنا

ييت الحين نرمس عن حزة السفر

ابوي يقول لامي يوم بنتج اتسافر وياج انتبهي عليها

ما تطلع وايد الا ووياها ريال محرم

ما تطلع ويا ربيعاتها اللي هناك

انا عصبت

قلت ابويه انت شاك فيني

قال شووووووووووووووووووووووو

انا اشك فيج لا والله ما اشك فيج بس خايف عليج

قتله ابويه بس مب لهالدرجه جي

قالي لا لهالدرجه ونص انتي بنتي ولازم احرص عليج اكثر من اي احد ثاني

وقالي اللي يصير بالدنيا الحين يخليني جي اسوي

قالي ماشي امان لا بربيعات ولا غيره الربيعات هم اللي يخربون ربيعاتهم الاكثريه جي

قتله ابويه بس مايصير جي

قالي الا يصير

سيري سالي اي اب يخاف على عياله بتشوفيه انه يسوي فيهم جي

قالي الدنيا هاي الحينه ماصار فيها امان ابد يابنتي من حقي جي احرص عليج

يوم شافني اظايجت وبعدني مو مقتنعه

سكت مني بس سكت وهو يفكر حتى انا زعلت من حالي اني جي سويت

بس خواتي شو اسوي مرات صج من داخلي احس بكتمه

بس ما ارمس

شو اسوي

عارف ان الناس اشكال و الوان و ممكن حتى لو الربيعات يتلوونون لج و بعدين بنعرف معدنهم..و السموحه..

وانا اللي عقبها عسب جي مركز عليه

وختي العوده قبل كان حريص عليها بعد جي

كنت شراتج وايد اتضايق ويحز ف خاطري ليش جي يعاملني شو سويت عسبت مايوثق فيني بس صار لي كذا موقف اتاكده انه هذا من خووفه فقمت ما اشل ف خاطري اي شي يقول ان شاء الله واسكت عنه .. ^^

ماعليه فديتج هونيها وتهوون

المشاركة الأصلية كتبت بواسطة حزون الدهماني

حبوبه أبوووووج معاه حق..

أنتي تشوفين الناس و العالم كيف صـــــــآيره..

الواحد ما قام يأمن على عمره يوم بيطلع ..أبوج الله يخليه لكم ما بيقول هالكلام لعدم الثقه من بينكم ..

بس هالكلام لانه يرتاح و يأمن على بنته انها ما بروحها و معاها حد..

لا يالغلا لا تفسرين كلامه و تصرفاته غلط..انتي بعدج بنوته و ما شفتي الدنيا على أصولها..بس الوالد راح و رد و

عارف ان الناس اشكال و الوان و ممكن حتى لو الربيعات يتلوونون لج و بعدين بنعرف معدنهم..و السموحه..

ادري هو حتى مرات يقولي انتي ماتشوفين اللي اشوفه برع

قال برع الناس قاعده تاكل ببعضها وكلن عادي يبيع خله بسبة مصلحته

قال وايد احاتيج واخاف عليج من هالاشكال صج ان مو كل الناس نفس الشي

بس لازم اكووووووووون حذر والاحتياط واجب

بس انا من داخلي مرات اظايج اني افهمه غلط