حساسية الصدر فيدني تعبت والله 2024.

هلا بكل الموجودات في منتدانا الغالي

بنات انا عندي بنت عمرها 11 شهر احين صارلها شهر تعاني من حساسية الصدر واحتقان الانف والله اقعد اصيح وياها طول الليل من التعب دخيلكن الي تعرف اي دو عشبي تفيدني لاني ماخليت مستشفى حكومي ولاخاص ماسرت له كله مضادات بس ماشي فايد

بليييييييز الي ماتعرف تدعي لبنتي بالشفاء

أعوذ بكلمات الله التامات من كل شيطان وهامة ومن كل عين لامة
اللهم رب الناس أذهب البأس
اشفِ أنت الشافي لا شفاء إلا شفاؤك ، شفاء لا يغادر سقما

حبيبتي والله الله يشفيها ياااااارب …. اذا عندج مكينة الربو الصغيره اللي اتكون محموله وتشتغل بالبطاريات حطي فيها بس محلول ملحي وبتتحسن من ثاني يوم المحلول الملحي ينباع بشكلين يا انه اييج غرشه مثل مال المستشفيات الجلوكوز او اييج موزع وجاهز في امبولات 5 ملم وهاي انا انصح فيها لانها من اتخلص اتفرينها ….

نحن فالعايله جيه انسوي بدل ما ياخذون اعيالنا كورتيزون وادوية الربو ….

مشكوره اختي غيرج حتى ما رفعن الموضوع بدعوه

أعوذ بكلمات الله التامات من كل شيطان وهامة ومن كل عين لامة
اللهم رب الناس أذهب البأس
اشفِ أنت الشافي لا شفاء إلا شفاؤك ، شفاء لا يغادر سقما

للرفع ^^

حبوبه اقري عليها
ونصيحه سيري عن دكتور لاتأيسين يمكن بعيد الشر ربو
حبوبه او يمكن انتي دوم تدخنين الحجره وفيها ريحه عطور عسب جي يزيد الاحتقان

انصحج بالعسل مع حبة سوده والله يشفيها

الله يشفيها ويعافيها يا رب
شربيها ماي زمزم وانوي فيه الشفاء لبنتج وخلج متيقنه ان الله سبحانه بيشفيها
وادهني صدرها يوميا قبل ما ترقد بزيت زيتون دافي
وان شا الله ربي يعافيها *