حساسية الصدر و الأطفال 2024.

هذا الموضوع مش منقول…..نصائح عامة:
-الربو مرض غير معدي ممكن يكون وراثي وفي الأغلب ناتج عن محسس يعني غبار زكام صراصير أتربة دخون عثة الأثاث …..الخ

-الأكسجين أو الفنتولين البخاخ مش شي ممكن يتعود عليه الياهل بالعكس لازم ياخذه علشان ترتفع نسبة الأكسجين عند الطفل….و بعدين لي كبر الياهل ممكن تروح عنه الحساسية.

-في أدوية وقائية ممكن ياخذها الياهل بين النوبات في العادة تكون بخاخ البيكوتيد.

– أول مايبتدي الزكام وتشوفين أعراض الحساسية لازم تراجعين فيه الطبيب علشان تبتدين العلاج بدل ما يتأزم الياهل.

– الأدوية الشعبية غير مجدية.

-شراء جهاز الأكسجين في البيت أحسن شيء بدل بهدلة الحوادث و الإنتظار.

وللحديث بقية…..التوقيع ….أم لطفل عنده ربو…..

مشكورةيالغاليه على هذا الموضوع…
طفلي الأكبر عمره سنتين ونصف عنده حساسية بصدرة وكان يعاني من هذي الحساسية من يوم كان عمره4 شهور… بس الحمد الله بعد ما أستخدمله الأكسجين والادويه مالت الحساسية الحمد الله ما تعود عليها أبد…


الغاويـــــــــــــــــــــــة

موضوع مهم بس تدرين احنا احترنا نصدق منو ولا منو في دكاترة يقولون انه تستعملينه واااااايد مب زين وفي دكاترة يقولون العكس والضحيه في الاخير عيالنا والصراحة وانا من الي يستعمل ادوية البيت وهي والحمدلله نافعه معاهم وتخف الحساسيه عنهم وهم ولله الحمد وااااااايد احسن من اول لانه اول كانوا مع بدايه الشتاء واختلاف الجو يبدأ معاهم الكحة والخرخشه في الصدر وصوت الصواوة مع النفس بس وكانو يعطونه دوم اكسجين واااااااااااااااااااااااااااااااااااايد وهو ولد شهوووور ما كمل السنه واتخيلوا انه اول كلمة عقب ماما وبابا شو كانت كانت كلمة (ماااااااااااابااااااااااا) يوم كنا مودينه عشان انسويله بخار عقب ما عطوة الابرة جلس ابوه ويود الولد وهم يحاولون ايحطون الاكسجين كان في صراع بين الابو والولد والولد كان يصيح وطلع منة كلمة مااااااااااابااااااااا انصدمنا انا وريلي وصدينا على بعض نتأكد من الي سمعناه قال كأنه قال ماااااابااااااا قلت انا هيه جان اقول وحليييييله اول كلمة ينطقها كلمة مااااابااااااا والله من معاناته بين الابر والادويه والاكسجين والمضااااااااااااااااااد اكثر شي ما ايمر عليه شهر اواحيانا شهرين الا وهو ما خذ مضاد بس اكثر شي كان كل شهر مضاد واكثر شي في فصل الشتاء والله انا الي تعبت وغامضني قلت حرام بنجتل الياهل ويا المضاداات والحمدلله من حصلت على العلاج الطبيعي وانا ما استعمل المضادات لا له ولا لاخوانه من بعده طبعا والحمد لله والحين مع اختلاف الجو ما اعاني كثر ما كنت اعاني اول والنعم في العلاج الطبيعي عطية رب العالمين والحمد لله
والسموحه بس حبيت اوضح انه الكيماويات مب كل شي ولازم يا اختي كثر ما نقدر انه انخفف على عيالنا والله يعافي عيالنا وعيال المسلمين ياااااارب

اختي عيون زوجها
شو العلاج الطبيعي الي تستخدميه لان مشكلت ولدي نفس مشكلت ولدج وانا مليت من البخار والادويه والمستشفى
واول ما يكون مزجم شو اسوي لان الزكام بداية المشكله

الله يعين عيالنا ويشفيهم صدق مرض متعب

صدقتي الغاليه

وانا الدكتور قالي نفس هالكلام
-الأكسجين أو الفنتولين البخاخ مش شي ممكن يتعود عليه الياهل بالعكس لازم ياخذه علشان ترتفع نسبة الأكسجين عند الطفل….و بعدين لي كبر الياهل ممكن تروح عنه الحساسية.
وقالي انتو وااايد تقولون ما بنعطي عيالنا نخاااف يتعودون بس قال هم ما بيتعودون بالعكس بيخف عنهم تدريجيا..

مرحبا اختي وحده نصحتني بالحلبه لولدي عنده ربو والحمدالله بس الطريقه هي على الريج اخلطيه مع عسل طبيعي لمدة 21يوم بس لازم يوميا كوب يشرب بس انا قسمته في بياله على طول اليوم لين ما يخلص الكوب بس لازم على الريج وان شاء الله بيستفيد