الحين ساعه ثلاث من الليل والدعاء مستجاب … يالله يارب تغفر لنا وتستر علينا يارب العاليميين
حسبي الله ونعم الوكيل
حسبي الله ونعم الوكيل
بناااااااات انا بخبرك سالفة خويتي روح بالرووح..
وربي منصدمه حييييل منها ,,, جنها بلا مخ ., وين عقلج يافلانه مادري
بقولك السالفه
الحبيبه كانت مضااايجه ودشت الجااات
المهم رمست وااحد وشكت له عن حالها .. هي ارتاحت له بالجات حسته انسان طيب ( لانه واساها وخفف عنها ) وحليلنا نحن البنات
المهم الحبيب ماجبرها ولا شي على انها تعطيه ايميلهاا
قاله براحتج … وهي عطته ايميلهاا ( ربيعتي دور عن الحب ) كلنا محتاجين حنااان لكن هالطريق غلط بغلط
والريال قاله لها انا ادور وحده شرااتج طيبه وخاطري احبها وازوجهاا …
المهم رمسته بالمسن
قالت له : شو اسمك
رد :. خالد الريامي
وسألته عن عمره
قال لها :. 27
وهي وفديتها قدي 18 (( فرق كبير من بينهم ))
المهم ع كلامها قالت لي , قعد يتغزل فيها ويبين انعجابه فيهاا
ويعطيها من الحلوو (( حياتي فديتج احبج احبج اعشقج )) وربيعتي ع الدقه
واللي زاد اعجابيها فيه انه يصلي صلاه بوقتها (( ومره قالها اسمع قران ))
وحليلج ياربيعتي تتحراه مدين وهو يعطيها من ذاك الكذب الغاااوي
باليوم الثااني زاااادت نسبة الغزل وتقربو حبتين من بعض …
المهم سألته كيف شكلك
رد :. بطرش لج صورتي
البنيه من شافت الصوره تخبلت لانه صدق حلوووو (( انا شفت الصوره تخبلت ))
المهم رمسو بعض وجي
باليوم الثالث :. نفس شي تغزل فيها لكن مصخهاا بزياااده
وطلب منها طرش صورتها بس هي رفضت (( الحمدالله ظهرت عاقل شوي))
طبعا من بين كلام الغزل كاان واايد يردد لها انت زوجتي وحبيبتي
خاصه كلمة زوجتي كل لحظه وقال لها
وسألها وين تبين شهر العسل (( ثالث يوم ترمسه شوفي كيف كيدهم وكذبهم )) حسبي الله عليهم
واونه يغار عليهاا لا تسجلين بمنتديات ولا دشين جاات من هالكلام الحلوو
وتقول لي يحلف بربه انه يحبهاا (( كيف الحلف ستوى شربة مااي ))
.
.
المهم قلت لربيعتي عطيني اييمله
الحمدالله انى اعرف للنت عندي خبره شوي
المهم عقب فتره بسيطه
ظهر اللى اسمه خالد … (( زلمه اسمه ايمن عمره 39 ))
وحاط شيفته (( طبعا مب نفس صوره اللى طرشها ))
حسبي الله عليهم
حسبي الله عليهم
يالله يارب تحفظنا وتحفظ بنات المسلمين وتستر علينا دنيا واخره
خواتي تحذرن من الذيااااااب
حسبي الله عليهم
سبحان الله بحمده سبحان الله العظيم
الله يهدي جميع ألمسلمات و المسلمين ..
والله الجذب بلاش هاليومين واصلا كل شي في النت
جذب في جذب حتى في المنتدى ماتظمنين حد ماتعرفين
الي ترمسينها بنية ولا ريااال
ربي يبعد عنا هالاشكال يااارب
صج مااااا يستحي
أيمن أونه
يعني عااادي تكمل ويااااااااه ؟؟؟؟؟؟؟
؟؟؟؟؟؟؟؟؟
مشكلة بنات هالزمن فالجات و المسن و الجوال ..
الله المستعان
والله نصيحه مني خليها تعقل وخبريها عنه .. فقته عادي عنده يحلف !!!
هههههههه والله شر البليه ما يضحك ..
الله يهديها بس