السلام عليكم ورحمه الله وبركاته
اشحالكن خواااتي عساكن بخير
اليوم شفت شي خلاني انقهر …لهذي الدرجه
نحن عيال هذي الارض الطيبه لكن للاسف لازم ندفع مقابل يلستنا …الوافدين واخص الاجانب معززين ومكرمين ونحن مب مهم
اللي شفته انهم بيخلون باركنات جمعية الصفا ببيزات حتى صوب شويترام
يعني اللي يبى الجمعيه لازم يدفع والصراحه انا بتكلم عن نفسي لازم يوميا تقريبا اسير الجمعيه البيت يحتاج وفي اشيا لازم ناخذها باليوميه مثل الحليب الطازج والمعجنات وحتى الخضره
شوه مستوي في بلادنا عادي باجر يخلون باركنات المستشفيات ببيزات
للاسف اللي متخذ هالقرار شايف نفسه يقدر يدفع مب شايف غيره
حسبي الله ونعم الوكيل
الله يرحمك يا زايد الخير
سوووووري اللوافدين بس نحن هذي بلادنا ولازم يكون فرق بينا وبينكم في اشياء معينه على الاقل.
من حقه عدد معينه من المواقف
لو بيسوون شرات كارفور الشندغة وايد زين
يعني الواحد يوقف سيارته ويدفع في الجهاز
وتطلع له ورقتين، ورقه في السيارة والثانيه
نخليها وحزة ما ندفع في كارفور يخصمون المبلغ
من الفاتوره، يعني كأنا ما دفعنا شي
عنبوه شو بقا ومادفعونا عليه؟
ماترزا علينا هالزياده
مابقا الا ندفع للشارع اللي نمشي فيه