حسبي الله ونعم الوكيل على هالعيادة 2024.

أمهات سمعوا قصت ولدي فديته..أول ما إنولد كنت حابة أختنه في المستشفى وخصوصا إني كنت مربية قيصرية..بس أبوه الله يهديه يودي عيال عائلتهم هالعيادة إلي مشهورة إنهم ما يقصون..لا يستخدمون شئ مثل الليزر..ما أعرف والله شو إسمه

المهم وديناه فديته..وأول شئ دفعونا وقالوا إتريوا..وحطوله كريم بنج بعد نص ساعة..وبعده ب45 دقيقة قالوا يلا..وأنا طبعا قلت ما بدخل..بس أبوه كل مرة يدخل والدكتور يعرفه لأنه من فترة قصيرة مودي عيال إخته و أخوه..وأول ما شافه الدكتور عرفه لأنه مخبرنه إنه يفضل هالطريقة عن القص..وخبره يوم نحن سرنا بعد..بس ما قال إنه خلاص يقصون هم وغيروا..بس قاله أونه ممنوع حد يدش ويا الياهل..وطلعوه

أقول العياده هذاك اليوم زحمه و حشرة..والله من صياح ولدي..وكيف صوته يتقطع..كلهم صاخين..حتى اليهال فديتهم سكتوا..بس تموا ساكتين ويطالعونا

أبوه واقف وعيونه محمرة..وأنا ميتة من الصياح..جان وحدة حرمة عودة يت و تمت تقول حق أبوه ليش ما دشيت..أول مرة يطولون..خذوا 45 دقيقة وبعدهم..وأقول حق أبوه إنت قلت لي 5 دقايق ما يطول..جان يقولأول مرة يطولون..أكيد في شئ

المهم أول ما زقروا أبوه جاف كيف الدم على ثيابه و ريوله..حرج عالدكتور..قال من مفروض إتخبرني إنكم غيرتوا الطريقة..قال لا إنت ما تعرف..وهاي عشان مصلحته..قال أنا أبوه و بكيفي..وتم زايغ ويقنع ريلي وما أعرف شو

المهم حسيت والله من شكل ولدي إنه زايغ..ولونه صاير أصفر..وتم ينزف..وخاست ثيابي من الدم..شكله ما كان مبنج عدل..فتم يصيح وينزف

المهم خواتي..اليوم 3 يوم..بس غير الورمة حاسة إن بعض الأماكن ملتهبة..يعني لونه أبيض وداخله ماي..هل هالشئ عادي؟

والله زايغة..بس باجرعنده موعد

أنا والله مب ضد هالطريقة..بس من المفروض يخبرونا على الأقل..وولدي عمره 3 شهور..فكنت أفضل يكون أكبر عسب يعطونه إبرة البنج..مش بس كريم

الله المستعان شو نسوي..ما بإيدنا حيله..كل العيادات صارت مادية وهمهم الفلوس بس

يا امهات لا تستهينون بصحة عيالكم والله ان مستشفياتنا الحكومية وااااااااااااااااااااااااااااايد احسن من الخاص

مع اني عندي تامييييييييييييين صحي بس ما اتعالج الا في الحكومي وحتى عيالي ما ادري ليش ما اقتنع في الخاص

وانتوا غلطانين كيف ما ادشوووون ويا الولد والله لو منو ما كان لو ريلي قالي لا ادشين بدزة وبدش انا ما اعطي عيالي في ايدينهم ولا اسمعة يصيييح واتم برع لالالالالالا والف لا

نتعرفين البره المغذي انا اساعدهم فيها ومن بنتي تصيييح افر الابرة واظهر من المستشفى لانهم ساعات يدفشوون ويا العيال قلبعهم ما يعورهم الا من رحم ربي

حتى التطعيم يوم يطعمون عيالي انا امسكهم لان البيبي لو تحرك غلط الابرة تنكسر في العرق وهذا خطر جدا وانا اقول حق الممرضة قولي بسم الله وتقول وبعدين اقولها يالله وانا الهي الياهل

اصلا البيبي يرتاح مع امة لو انتي واقفة عدالة جان ارتاح هو خاف واتعور وانتي مب حدااااه

الغالية اذا مب مرتاحة اعرضيه على 3 الى 4 دكاترة واساليهم هل مختنينة صح ولا غلط لان هذا ممكن ياثر علية مستقبلا حراااااااااام

والله قلبي عورني علية وانتي وريلج غلطانين

فديتة والله قلبي معورني اسمحيلي بس قلبي احترق

أدري الغالية نحن غلطانين..بس أنا و أبوه من النوع إلي هادين و نستحي نصارخ و نسوي مشاكل..بس والله هذا ولدي..وحرجنا عليهم وايد..بس نحن ما كنا عارفين شو السالفة..غير هذا طردوا أبوه وقالوا قانون يديد..وممنوع يدش

حبيبتي ما شيء قانون يمنعني ادخل على ولدي هاي مب عملية جراحية اني ما ادخل وغير جذا انتوا تسمعون صريخة حراااااااااااااام

المهم الغالية الموضوع انتهى وخلص خلااااااااااص بس لازم تودينة كمن مكان وتسالسن هل الختان صحيح ولا لاء

وشي ثاني نصيحة لوجه الله ومن امي :

يوم تودين عيالج اي عيادة ولا مستشفى محد يقدر يظهرج برع الا غرفة العمليات الجراحية والله لا يوديكم هناك ان شاء الله

هذي نصيحة من اخت لج في الله

الله يحفظ ولدج ان شاء الله وعيال كل المسلمين

تسلمين فديتج..وإن شاء الله بوديه الوصل عشان أتطمن

والله صدقتي..ما بخلي عيالي بروحهم مع هالسفاحين مرة ثانية

و تسلمين الغالية على دعواتج و نصايحج..والله إستفدت من نصايحج

آمين..وربي يحفظ لج عيالج

ياربي قلبي تقطع على ولدج
عيل انتي شو صار فيج
ربي يعينج
حبيبتي شكله ولدج صار عنده حروق من الليزر
حرام لاتخلينه على طول شليه على الطوارئ
على الاقل يعطونه مسكن
فديته والله فديته
وابوه المفروض ما يسكت ويهزب هالريال هزاب مره ثانيه
شو هاه مو دكاتره الا جزارين حسبي الله ونعم الوكيل
والغالية بالعكس انا اشوف لو سويتي الختان لولدج في عمر اصغر كان احسن
عشان ما بيحس بالالم ولا شيات وما بيكون مدرك
حبيبي هو الحين عود ويفهم ويحس
وللعلم احنا نختن عيالنا من اول اسبوع
والحمد لله ما يصيبهم شي
مره ثانيه كان الله في عونج وعون ولدج

تسلمين الغالية..والله قلت حق ريلي نختنه في المستشفى أحسن بس ما طاع..وأول أسبوع يوم عندي موعد لأني مربية قيصرية..قلت له نوديه أحسن..ما طاع كان مصر يوديه نفس العيادة لأنه مرتاح لهم..سبحان الله كل شئ بإيد رب العالمين..

والله غامضني وكله أشوف كوابيس..ويوم أتطالعه أو أصلي كله أفكر بالسالفة..وأقول هو إشكثر إتألم..لأن لين الحين والله أحس فيه غصه..وصياحه ذاك اليوم لين الحين في أذوني والله

ربي يسهل عليج..وتشوفين البيبي بصحة و عافية