خوااتي بدش فالموضوع ع طول انا يا اخواتي معرسه من 11 شهر تقريبا وتميت ويا اللي مايتسمى حسبي الله عليها بس شهرين ومن عقبها لا سال ولا طرش مسج ولا غيره (الحمدالله فكه والله فراقاه عيد) بتقولولي ليييش بخبركم الله يسلمكم اتخيلوو من رديت من شهر العسل ماطلعت وياه مكان ولا حتى اتعشينا فمكان ويوم اقوله يافلان انا ابا اسير المكاني الفلاني ولا خلنا نطلع نغير جوو كله يقولي انا مااقدر وانا تعبان وانا ماعندي وانا وانا يعني 66 الف حجه بس كنت اطنش واسكت واقول يمكن مع الايام يتغير بس ماشي فايده طبعا هذا غير اللي شفته ف شهر العسل( شهر بصل مب عسل) كان يبوز فجاة بدون سبب ومايرمسني مع اني مااكون مسويه شي والله وعقب بروحه يرضى يعني باختصار كانت سفره تعيسه ومووول مااستانست
اتخيلوو بعد شهر قالي يافلانه انا بسافر بسير تايلند بتعالج عندي اللحمية (سبحان الله طلعت الفلوس الحين وطلعت الاجازه الحين) والله انه يا بنات زطي لأبعد الحدود ماتتخيلون اشكثر والحين بيسافر عشان يتعالج واللحمية علاجها ف مستشفيات الدول ببلاش وعمليتها سهله
كلمته بالزين قتله اذا بتسافر بسير وياك انا ماورايه شي ماعندي شغل ولا دراسه قالي لا ماشي انا بسير ويا ربعي وانا بسير المستشفى ع طول ومابحجز ف فندق ومن هالكلام حاول اتفاهم وياها بكل اشكال التفاهم ماشي فايده زعلت وسرت بيت اهلي وادخلو الاهل بس ماشي فايده فيه وسافر وطبعا انا تميت زعلانه وبعد مارد حضرته وشبع ياب اهله عشان يراضوني ورضيت بالزور وحطيت شروطي وكان من ضمنها انه ماشي سفر بروحه قال اوكي واتخيلو يوم رديت موول ماكان يعاملني اوكي انا سكت وماقلت شي ولا اشكيت وهو سار من ورايه يرمس اهله ويقولهم هي ماترمسني وهي ماتي صوبي (كيف ارمسه وهو الغلطان) المهم يابنات صار الي صار وف يوم من الايام كان ناسي فونه فالحجرة عندي وهو يالس فالصالة عند اهله واول مره ينسى فونه وانا اول مره افتش فونه فتحت الوارد ماحصلت شي فتح المرسله لقيته مطرش مسجات بالنجليزي زوجي حبي حياتي انا احبج انا متوله عليه وسوالف ثانيه ماتنقال المهم انا نقلت المسجات ع فوني وماخبرته وهو ماعرف اني فتحت فونه وخليت عمري كووووول وبعد فتره اخته اتصلت فيني وتم تقولي انتي ليش متعاملينه زين وانتي وانتي اهني انا انهديت قتلها انا واايد صبرت عليه وع حركاته هو الغلطان ويباني انا اركض وراها (فوق شينه قوات عينه) وهو عمره ماقالي كلمه زينه وعمره ماطلعني مكان وقتلها عن المسجات اهني سكتت ومارامت تقول شي مر اسبوع عالسالفه وطبعا هو دوامه طول الاسبوع بس ينزل فالويكند وانا من هو يداوم اسير بيت اهلي وهو طول الاسبوع مايرمسني بس يوم الخميس طرشيلي مسج انا بمر عليج فالساعه 10 انا رتبت اغراضي وجهزت عمري ع اساس انه بيمر ويوم يت الساعه 10 طرشلي مسج اذا بتيين البيت تعالي باحترامج ماله داعي لشغل الحراميه والمخبرين وكلام موووووول ماله داعي وطبعا صارت مشكله عوده وانا تميت ف بيت اهلي وهو موول ماسال ولا هم يحزنون
بعد ما مرت 4 شهور بدون مايسال ولا يصرف ولاشي رفت عليه قضية نفقه اطالب بحقوقي فالبدايه سوولنا جلسه صلح وكان كل شي لصالحي والله يا بنات كان يقولي رمسه مووول ماتنقال مووول مااحترم عالاقل اني وحده من اهله بس المصلح كان يسكته لأنه هو الغلطان وقال فالنهايه انه مايبا صلح واستكر الملف ع هالاساس وعقبها بدت مشوار الجلسات اللي ماتخلص مووول واللي دووم تتاجل بدون فايده وصدر الحكم النهائي انه نفقتي تكوون الف درهم شهريا الحين بالذمه يا بنات الالف شو تسوي فهالزمن طبعا مارضيت وطالب باستناف الحكم
هيه صح نسيت اخبركم ترا هو طلع عنده تايلنديه وهو يشتغل فالجيش ويايبنها ع كفالته ع اساس انها شغاله وعايشه وياها فالشارجه
( ع فكره ترا قصتي اللي كتبتها مختصره فيه واايد سوالف صارت )
بنات بسالكم كم المفروض النفقه تكوون ؟؟؟
والشي الثاني شو اللي لازم اسويه ؟؟؟واللي ماتعرف تدعيلي
خوااااتي انا ماقتلكم شي اللي هو اني انا للحين بعدني عذره الحمدالله بتقوليلي كيف بقولكم انه هو حاول بس مايقدر يكمل يعني منه مب مني وشو السبب ماعرف والله وف جلسه الصلح المصلح سالني دخل عليج قلت انا هي وييت ابا اكمل اللي مايتسمى قطع رمستي وقال لا انا مادخلت عليها وهي بعدها بكر قاله المصلح ليش قال هي كله ماتخليني وكله وكله تستحي وماتبدل مالبسها جدامي ومن هالكلام هني كنت شوي وبنقع من الضحك بس يودت عمري خخخخ كيف ريال طول بعرض يقول هالرمسه جدام الرياييل وين يبا صدق ماشي شخصيه…. عقب انا كملت وقلت انه هو دخلت عليه كذ مره بس مايقدر يكمل المهم خوااتي رد عليه المصلح وقاله يعني دخل عليه كيف تقول مادخلت وعطاها من ارمسه الزينه وفهمه انه الريال هو اللي له سلطه عالحرمه وانته المفروض اللي تسوي وانه وانته يعني حط عليييه حط وقاله شي طبيعي الحرمه تستحي ف بدايه الايام ويباله فتره لين تتعود وكان كله يقول حق المصلح انا ماعندي وانا بعطيها،،، يتحرا الدنيا فوضى خخخخ مسكين حاله
المشاركة الأصلية كتبت بواسطة عاشقه زوجي 
تسلمين الغلا عالمرور
ونحن امورونا خلاص وصلت للطلاق مافيه شي يخليني اقعد وياها والله لا يبلي مسلمه فيه
المشاركة الأصلية كتبت بواسطة سارا الحلوة انا ما بزيد على كلام الاخت
اللي بخاطري قالته .. ما يسوى تلعوزين عمرج عشانه .. والحمدلله بعدج ما حملتي ولا جان توهقتي .. عيشي حياتج وانسيه وها محد ييلس معاه