الي تعرف اسم حضانة ممتازة في بوظبي للأطفال الرضع الي أعمارهم أقل عن سنة اتقولي…. و أهعم شي اتكون مجربة هالحضانة ….. و تعطيني من خبرتها في هالحظانة شوي لأأني فعلا محتاجة أحط ولدي فيها……….
انصحك فيها وبقوه ادارتها مواطنات وعندهم أجهزة مراقبه وتصوير لغرف وصفوف الأطفال والمربيات ذوق وأدب وتعاملهم من اداره ومربيات شي قمه وذوق واهتمام وأدب تحطين ابنك وانتي مطمنه بناتي كانو فيها ورقمها ******
وحاليآ سجلت بنتي الثانيه في
حضانة اسمها المستكشف الصغير
لظروف انتقالنا بس الاداره هنا عربيات وماعندهم نظام مراقبه واظطر اسوي زيارات مفاجئه بس نظامهم برضه حلو ومرتب بس زي حضانة ستروبري ماشفت والله
ادارة بريطانية…وااااااايد أوكي
أنا كنت واااايد مطمنه على بنتي عندهم
المربيات فلبينيات.. لكن دايما المشرفة البريطانية تمر عليهم
وهي تعرف حق الياهال عدل…شو بلاهم وليش يسون هذا الشي وشو الحل وكيف تتصرفين
هم يقسمون الأطفال حسب العمر من الولادة الى عمر 6 شهور …مجموعة
من 6 شهور لحد ما يمشي زين… مجموعة
أنا جربت المجموعة الأولى بس.. واللي عيبني أنهم ياخذون 6 أطفال بس
في هذي المجموعة عشان يقدرون يجابلونهم
وبعد في حضانة بترفلاي مانتاسوري
عندهم نظام تشوفين الياهال على الانترنت
لكن ما ياخذون أقل من عمر 6شهور …ويفتحون لحد الساعة 3 بس
وبعد عندج حضانة الثريا
راعيتها وحده مواطنه …وتيب حريم مواطنات حق الياهال
واااايد أوكي
بعد وايد يمدحون حضانة عالمي الممتع
وحضانة نجوم المستقبل