حضانة 2024.

السلام عليكم خواتي عساكم بخير
بدخل ف الموضوع على طول
بنات انا عندي ولد عمره سنتين و3شهور وافكر ادخله الحضانة بس وايد افكر لانه عنيد وكله لاصق فيني فأدري انه ما بيتقبل الوضع
واذا عاند اعصب عليه وايد واتم اضربه وكل حد يقولي ولدج دلوع وعنيد ماعرف شو اسوي معاه
محتارة ادخله الحضانة ولا اتريا شوي الله يخليكم شوروا علي اي وحدة دخلت ولدها او بنتها الحضانة اتخبرني كيف اتصرفت وكيف تعاملت وياهم
اتريا ردودكم بفارغ الصبر

حبيبتي لا تضربيه فديته والضرب يزيد من عناده ويأثر على نفسيته
دخليه حضانة يتعلم و يلعب ويتونس مع الأطفال

عوديه عالحضانة احسن وقوي قلبج، عسب لا تتبهدلين وياه بعدين يوم يسير الروضة، اخر ثلاث عيالي مدخلتنهم الحضانة قبل الروضة عسب ما يتعبوني، صحيح تعبت لكن الحمدلله في النهاية يعتمد على الحضانة كيف اتساعدج ولدج يتأقلم، وبعدين ولدج بتتغير شخصيته وبيغدي اجتماعي وماعاد بيلصق فيج ان عودتيه على الحضانة