اتمنى انكم تساعدوني
ربيعتي مخطوبه وريلها من عجمان وهي من بوظبي فهو مصمم يسوي العرس في دبي عشان اهله يحظرون يقول بوظبي بعيد عنهم وهي تقول ان معارفهم ما بيوم لين دبي ولا ربيعاتها فما بتفرح والعرس بيكون فاضي بس فيه اهله انتو شو رايكم
انا اشوف ان حفلة الحريم حق العروس ولازم تستوي في مكانها ياريت تفيدوني
ممممممم هو العدل انه يكون في النص .. و اذا ربيعاتها يبون ايون بيوون ما بيغلبهم الدرب .. يعني لو تسويه يوم الجمعه يكون زين . ماتسويه السبت او الخميس لأنه في هاليومين الكل بيعتذر و بيتعلث انه دوام و تعب و ما الى ذلك ..
و الريال بعد يبا اهله يحضرون … من حقهم يفرحوبه ..
والله المكان اللي اختاره مناسب و من ثلاث اسابيع كان عدنا عرس بدبي لانه اهل المعرس من خور فكان و العروس من بوظبي فسوو العرس فمكان وسط عسب الكل ايي و كان يوم جمعه .. و لو سوته في بوظبي اهله يمكن ما يرومون ايون لانه خط و بعيد عليهم يرجعون في نفس الليله ..
و نحن من عيمان و اذا خذنا من بوظبي انسوي العرس وسط عسب الكل ايي ..
ع قولت بنت عمتي اللي يباج بييج حتى لو كان في فجيره ..
و السموحة ..
و نحن من عيمان و اذا خذنا من بوظبي انسوي العرس وسط عسب الكل ايي ..
ع قولت بنت عمتي اللي يباج بييج حتى لو كان في فجيره ..
و السموحة ..
عيمان قريبة من دبي
عاادي
انا اجوف انه لعرس محد يفرح فيه كثر العروس وهو خاااص فيهاا
فلازم يسوي العرس في مكاااان العروس…
لانه هاشي هو اللي مفروض.
يسوونه في مكان في النص ولي يباهم بيتعنالهم لو وين يكون عرسهم
مشكورات الغاليات عالمرور وياريت يكون في تفاعل زياده لان البنت بجد حزينه بسبب هالموضوع