السلام عليكم ورحمة الله وبركاته
تعرفون قبل لا ابدأ بأي شي .. حبيت أفضفض .. لبشر لناس مثلي .. عشان يوصلكن احساسي ومشاعري ..
تعبت من الأوراق والدفاتر .. ومن الأقلام والحبر .. ومن حديثي لنفسي ..
حلمي بس شي وااااااااحد ..
كل يوم أحلم فيه
هو شي دنيوي بس أرد افكر في جنة الآخرة
يمكن تشوفون حلمي شي سخيف .. لأنه لكم ينعاد كل صيف وكل سنة وكل مرة
بس أنا ..
شفته في عام 2000 او 2001 وبس
تعرفون شوهو حلمي ؟؟
حلمي اني اسافر واشوف الكون .. أحب الطبيعة ، وأحب المطر ، وأحب البحر ، وأحب الثلج .. واحب الخضرة .. وأحب الجو البارد ..
كل ما أرمس ويا وحدة من ربيعاتي،،، إلي تقولي أنا في المانيا واللي تقولي انا في باريس واللي تقولي انا في لندن واللي تقولي يالله الجو بارد والمطر ينزل مثل السيل ودرجة الحرارة 2 ….
وبعدين
وبعدين
وين بوصل ….
انا ما ابا المانيا ولا باريس ولا اوروبا ولا استراليا ولا حتى امريكا
طلبت بس .. روحتي للعمرة .. يمكن ادعي هناك وربي يستجيب لدعواتي .. بس للأسف
يرد ويقولي عادات وتقاليد وانتوا بنااااات ..
تفوقنا ودومنا من الاوائل هدايانا توصلنا من خواتي وانته ؟؟؟؟؟؟؟؟؟؟ شو دورك في حياتنا ؟؟؟؟؟ لييييييش حتى كلمة مبرووووووووووووووك تكون انته اخر شخص تقوللنا اياه ؟؟؟؟؟؟
يتصلون من المجلس مبروك بنتك لها بعثة لخارج البلاد يردد جملته قبل لايكمل المتكلم .. هذي بنت ما بخليها تسافر
سفرة اليابان والله كل الطالبات اللي عطوهم ورقة التسجيل سجلوا الا انا والمديرة ترمسه يا ابو فلانة بنتك متفوقة حرام تضيع عليها الفرصة نحن مشرفين عليها وهو يقول لا لا اسمحيلي ..
حتى ورقة التسجيل لإيرلندا وبنفس الحال لكندا
انزين ليش؟؟؟؟
دومه يفتخر فينا ويقول بناتي رفعوا راسي بناتي متفوقات بناتي ما شاء الله عليه وبناتي وبناتي ….الخ انزين يالغالي .. ممكن تفرحنا ؟؟؟؟
تصدقون .. كنت هالسنة ف الثانوية العامة وتخرجت بنسبة في التسعين ولله الحمد ..
ربيعتي تكلمني وتقولي فلانة .. تصدقين محد من اهلي قالي مبروك مع انه نسبتها تحت 75 .. قتلها ماعليه فديتج بيفاجؤنج عقب صدقيني .. تقولي لا والله هديتي كانت بس انه نسافر كلنا المانيا ..
ودوج المانيا وتقوليلي محد قالي مبروك …… صكرت صفحة المسن وانا مهمومة وبكل ضيق حتى ما قتلها مع السلامة يا فلانة
ليش الكل هيه ونحن لاء ؟؟؟؟؟ أحيانا أسال نفسي واقول ليش انا بنت …؟؟ وأرد أكرر يارب سامحني
وأعوذ بالله من الشيطان الرجيم ..
لين متى وانا احلم واحلم واحلم ..
حلمي في يوم افتح عيوني واشوفه ماسك التذاكر ويقوللنا بنسافر بعد كم يوم جهزوا اغراضكم ….
كل العايلة تسافر وكل الناس تسافر الا نحن صدقوني الا نحـــن دومنا نسمع اخبار الغير وأجوائهم الحلوة ونتخيل اعمارنا وياهم وبس
انزين ما نبا بالطيارة بس بنروح بالسياارة 6 او 7 و8 ساعات بس .. فرحوا قلوبنا .. بس للأسف
انزين تخيل ريلي عقب ما يسفرني واعيش ويتكرر حالي ..
تخيلوا : خالي يقول لامي بنروح ويا بناتج العمرة .. يردد// ماشي سيرة للسعودية
يمكن هالشي يضحكم شوي .. انا اعشق السيرة لدبي مع انه بس ساعتين .. أحس اني مسااااااااافرة لعالم مجهول ومكان يديد وانا الوحيدة اللي ما ارقد في السيارة سواء في السيرة ولا في الردة^^
شيء مضحك انه الكل يمتلك كام عشان يصور ذكرياته في روحاته وسفره وزيارته وانا املك كام عشان اصور اوراق الشير والحشرات في حديقة بيتنا هههههههههه
للأسف كنت اقول اخوي بيكبر وهو بيكون المسؤول عنا وبنسافر معاه .. بس للاسف يسافر لحاله حتى طلعاته في الامارات يكون له نفسه .. ما يقول عندي خوات ؟؟؟؟؟
اكيد السفرة تكون غير ويا خواتج واهلج وعايلتج وسفرتج ويا اهل الريل شي ثاني ..
ماعرف افكر فــ اللي مضى وراح ولا فـ اللي ياي ولا في بكرة واللي بعده وبعده
هذي هي مأساتي …. وهو حلمي الوحيد
بس دعواتكن خواااااااااااااااااااااااااااااااااتيه ما يمر هالصيف الا ونحن مسافرين
دعواتكن خواتيه انه الله يوفقني
دعواتكن خواتيه يحنن قلوب بعض البشر عليينا
والسموحة ع الاطالة
note: محد يظن انه نحن ما نسافر عشان الفلوس او شي من هالقبيل .. سبب وذكرته قبل // بسبب انه نحن بنات وهو يخاف علينا واااااااااااايد ^.* فوق ما تتصورون
بس في النهاية: بيتم تاج ع روسنا كلنا والله يطول لنا بعمره ^^
مجرد فضفضة بقلم : لزق شفاف
سبحان الله وبحمده.. سبحان الله العظيم
آنزين و آذآ قلت لج آنّي آخر مرة طلعت فيها مول في دبي كآنت قبل 7 سنوآت !!
’’
و فووووق هذآ مرتآآآآحة و عآيشة حيآتي ^.^
’’
حبيبتي .، آنتي خلّج وآثقة آنج يآية هآلدنيآ عشآن تعبدين ربج ! وهـ بس !
آدري هذا شي بيصير في الآخرة ., بس شدرآج يمكن ييج ولد الحلال الي
يسسسفرج المكان الي تبينه ^.^
و ان شاء الله الله يهدي ابوؤج و يسفركم حتّى لو على القمر ^.^
لا حول ولا قوة إلا بالله
ربي يوفقج أختي ويحنن قلب الوالد عليج
وهو مثل ما قلتي أختي يخاف عليكم ويحاتي وايد
وهذا معناته انه وايد يحبكم ويقدركم وما يتحمل ما تكونون تحت عينه 
عسى ربي يطول بعمره ياربي
وان شاء الله أختي الصبر مفتاح الفرج
بإذن الله بتاخذين ريال بحار ما يقعد بالبيت وبتقولين ياريتني فبيت أبوي مريحة عالكنبة ^^
ربي يرزقج عمرة عآجلة غير آجلة
والله يعوضج بالزوج الصآلح اللي يوديج كل مكآن
مآ عليه اختيه الصبر ثم الصبر وصدقيني ربج مآ ينسى عبآدة
مآ بعد الصبر إلآ الفرج