كيفكم يااحلى بنات
اليوم مسويه حلى على الفطور وانا اسويه من زمان فحبيت انكم تشاركوني الطعم الرائع ( دعايه)
وان شاء الله يعجبكم مثل ماعجبنا 
المقادير هي الموجوده في الصوره
كرتون كيك اليمامه او على حسب الصينيه الموجوده عندك
وممكن شوكلاته او فانيلا او شوكلاته وفانيلا مع بعض
بسكوت شاي صغير واذا كان من النوع الكبير فحطي 17 حبه بس
علبة قشطه
ملعقة نسكافه كبيره
باكيت دريم ويب
4 ملاعق حليب بودره
2 باكيت كريم كراميل
2 كاس ماء
بودرة الكاكاو للزينه
الطريقه
يقسم الكيك الى قسمين مثل كذا
ثم يحط بالصينيه مثل كذا
بعدين تحطين الدريم ويب والقشطه والبسكويت والنسكافه مثل كذا
بعدين تأخذين الحليب والكريم كارميل وتحطينهم مع الماء في قدر وعلى النار مثل كذا
وتخلينه على النار الى ان يغلي
وتحطينهم بعدين على اللي في الخلاط
وتخلطينهم لغاية ما يتجانس مع بعض
بعدين حطيهم على الكيك
وخذي بودرة الكاكاو ورشيها على الخليط حتى يتغطى بالكامل
وخليه برى لمدة 10 دقايق وبعدين دخليه الثلاجه بس لا تغطينه
وهذا بعد التقطيع وهو لا اول واحد ترد
وياليت اي واحد تجربه تعطيني رايها فيه
وصحه وعافيه على قلوبكم
فديتكم هذا انا صغرت الصوره بس بعد ما خلاص حسيت راسي بينفجر من التعب
في البدايه ما كنت اعرف بس سويت بحث وعرفت الطريقه
بس والله لعيونكم يهون التعب.
اختكم
هتوون الامل
تسلم ايديج
ان شاءالله اجمع المكونات واسويها وقولج رايي
وتسلم ايدج ع السويت ..
مشكوره حبيبتي على ردك
لا عدمت تواجدك يالغلا
صغرت الصور لعيونك يا قلبي
شاكره مرورك العذب
فديتك ياقلبي صغرت الصور بناء على طلبكم بس بعد جهد جهيد
مشكوره على ردك الذي اضاء لي متصفحي