السلام عليكم ورحمته تعالى وبركاته
اخواتي الكريمات
مبروك عليكم شهر رمضان الكريم اعاده الله علينا وعلى المسلمين بالخير والرحمه والعافيه..
الموضوع جدا بسيط وهذي الحمله للمصلين اللي يذكرون اسم الله ولبيت من بيوت الله انتي تختارينه يكون قريب من بيتج فما عليج اختي الغاليه سوى انج تاذخين عطر او دخون (بخور) او عود وترسلينه لاقرب مسجد من بيتج والامام بيتكفل بتطييبه قبل الصلاه فبيكون لج اجرعظيم باذن الله وخصوصا بهذا الشهر الفضيل واي وحده من امارة بوظبي انا مستعده اوصل لها عطور او دخون بدون اي مقابل بس انها تطيب المسجد وتشارك معايه بهذا العمل عسى ان يتقبل منا ربي ويعفو عنا…. طبعا المساجد القريبه من بيتي اخلي احد من الخدم يروح ويطيبها بنفسه احيانا يتعذر على الامام انه يدخن المسجد فيطلب منا مدخن كهربائي بعد اوفره له خصوصا لي يكونون بعيد عن بيتنا لاني ماقدر اوصل له فخواتي الغاليات سامحوني على الاطاله بس كل لي اتمناه ان ع الاقل لو شخص واحد يقدر يشارك معايه فبتفرق عندي كثير.
خواتي اللي يتعذر عليها انها تشارك فاتمنى تطرح الفكره على قريباتها او اي حد تقدر توصل له الفكره فتكون شاركت ولها الاجر نفسه باذن الله (( الدال على الخير كفاعله)) واتمنى من اللي يقرون الموضوع اذا ماشاركوا.. انهم يدعون لنا برضى ربنا ولذة النظر الى وجهه الكريم وهو راض عنا باذنه تعالى..
دمتم على طاعته
تقبلوا احترامي وتقديري
اتمنى مشاركتج بهذي الحمله واتمنى من كل اخت تشارك تبين لنا اذا حابه تنضم لنا وتكتب كم مسجد ممكن تتكفل بتطييبه
والف شكر غاليتي على مرورج الكريم
في موازين حسناتج ان شاءالله حبوبه..
للرفع
للرفع
مشكور فديتج على الرد وعلى الرفع الله لا حرمني من طيبكم وحبكم لعمل الخير
تقبلي احترامي وتقديري