السلام عليكم و رحمة الله و بركاته
هذا أول موضوع لي ,, و حبيت أنه يكون في هالقسم ,, و يكون موضووعه دعاااء ع الطاير بظهر الغيب
قبل ما أبدأ في موضوع الحملة بخبركن كيف يت هالفكرة على بالي ,, أنا يوم أمشي في الجامعة أشوف بنات أشكل و ألوان ,, فأسأل نفسي .. هذي كيف أهلها و كيف حياتها ,, الله يوفقها و يستر عليها ,, فأي بنت تلفت أنتباهي بأي شكل .. صرت أدعي لها بالتوفيق و بالستر و بأي دعاء على بالي ,, و في حديث يقول بما معناه: ( الدعاء يرد القضاء) .. أنا إذا شفت بنت متبرجه أدعيلها بالهدايه و الستر و إذا شفتها محتشمه أدعيلها بالثبات و أقول الله يخلييج لأهلج ..ترا في بنات يكسرن خاطري ما ادري ليش .. يعني بدال ما ابحلق فيها ع الفاضي أدعيلها ,, ترا الدعاء مب بفلوس << تراني شحيحه ^_^
و كل شي بأجره ..
بإختصار مضمون الحملة أنج تدعين لأي بنت ما تعرفينها في أي مكان في السوق في المدرسه في الجامعه في الشارع في المستشفى أيييييي مكان سواء كانت محتشمة أو متبرجه أو منقبه أو متغشيه أو حتى سفور بالدعاء الحسن ,, عشان يقولج الملك و أنتي كذلك
ياا بنات كثرة المصايب في بلادنا .. خلوناا شوي ندعي لبعض عسى ربنا يرحمنا برحمته الواسعة
و تأكدي أن هالشي بيرد عليج بالخير و تملأين وقتج بالدعاء للغير و أدعي لنفسج و أهلج قبل كل حد
أتمنى أن الحملة تلقى عندكم صدى في قلوبكم .. لو وحده بس طبقت هذا يكفيني و لو مره وحده في حياتها
هيييه تذكرت .. مب بس للبنات .. إذا شفتي ولد و لا شاب و لا ريال عود بعد إدعيله .. عسى ربي يرد عنه البلا و يكون لج الأجر إن شاء الله
خلوا قلوبنا على بعض .. يمكن هالحوادث و هالحرايق و هالإنحلال الخلقي في البنات و الشباب يخفن
إن الله على كل شيء قدير
و هذيلا أحاديث عن الدعاء بظهر الغيب بالشروح
عَنْ أَبِي الدَّرْدَاءَ رَضِيَ اللَّهُ عَنْهُ، أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ".
أخرجه مسلم (4/2094 ، رقم 2732). وأخرجه أيضًا : أبو داود (2/89 ، رقم 1534).
قال العلامة شمس الحق أبادي في "عون المعبود شرح سنن أبي داود":
(إِذَا دَعَا الرَّجُلُ لِأَخِيهِ): أَيْ الْمُؤْمِن (بِظَهْرِ الْغَيْبِ): أَيْ فِي غَيْبَة الْمَدْعُوّ لَهُ عَنْهُ وَإِنْ كَانَ حَاضِرًا مَعَهُ بِأَنْ دَعَا لَهُ بِقَلْبِهِ حِينَئِذٍ أَوْ بِلِسَانِهِ وَلَمْ يَسْمَعْهُ (قَالَتْ الْمَلَائِكَة آمِينَ): أَيْ اِسْتَجِبْ لَهُ يَا رَبّ دُعَاءَهُ لِأَخِيهِ. فَقَوْلُهُ (وَلَك): اِسْتَجَابَ اللَّه دُعَاءَك فِي حَقّ أَخِيك وَلَك (بِمِثْلٍ): أَعْطَى اللَّه لَك بِمِثْلِ مَا سَأَلْت لِأَخِيك.
قَالَ الطِّيبِيُّ: وَكَانَ بَعْضُ السَّلَف إِذَا أَرَادَ أَنْ يَدْعُوَ لِنَفْسِهِ يَدْعُو لِأَخِيهِ الْمُسْلِم بِتِلْكَ الدَّعْوَة لِيَدْعُوَ لَهُ الْمَلَكُ بِمِثْلِهَا فَيَكُون أَعْوَن لِلِاسْتِجَابَةِ.
أدري في كلام طالع نازل و مب مرتب .. بس انتن ذكيات ما شاء الله عليكن ما يحتاي أنقّه موضوعي .. ترا عندي باجر عرض و ما بديت فيه .. ادعولي 
و في الختام سلام
السلام عليكم و رحمة الله و بركاته
انا راح ابتدي معاج وان شاء الله الجميع يتفاعلون مع موضوعج
يزاج الله خير في ميزان حسناتج
و أتمنى الصراحه من العضوات المشاركة
و هن ما شاء الله عليهم في أي مجال في الخير يكونن السباقات دائما .. مثلج و شرواج
و أتشرف أنج كني أول من رد على موضوع
و لج ألف شكر و تقدير
صدقي من كثر اللي نجوفه في العالم الواحد لازم يدعي..
بوركتــي اختي على الطرح الطيب
ونكون سبب تسلمين على الطرح الحلوووو
يزاج الله خير يارب
فرصه نستبدل فيها الغيبه والهمز واللمز بالدعوه بظهر الغيب بالهداية وصلاح الحال
جزاك الله خير وجعله في ميزان حسناتك