حملة لنصرة الخدم 2024.

خواتي أبغيكم ولو بعطف أو برحمة على الخدم إلي عدنا في البيت لأنه أول متضرر بيكون ولدج أو بنتج أو زوجج عامليهم معامله حسنه لا تضغطين عليهم في الشغل لا تسبينهم وتسبين أهلهم وإذا مب عايبتنج رجعيها لبلادها والله في ناس من تصبح الشغاله إلين الليل وهي تشتغل ////////// الحين أغلب الحريم يشتغلون ويوم يردن من الدوام يردن تعبانات فما بالج بهذي الإنسانه إلي ما تشوف الراحه وحتى قيلولة الظهر ما تشوفها بعينها إتقوا ربكم في هذيل البشر ولا تخلونهم يطلعون غيظهم عليج أو على أحد أفراد أسرتج
وهذا الدعاء قوليه يوم بتطلعين من البيت وعيالج إبروحهم ويا الشغاله
أستودع الله الذي لا تظيع ودائعه ديني ونفسي ومالي وبيتي وعيالي وجميع ما أنعم الله به عليه

وانا بعد وياكن مساكين تغربوا عشان لقمة العيش وهم بشر مثلنا واللي مب عايتنها تسفرها
(من لايرحم لا يرحم)

انا انسانة وايد احترم الخدم واقدر مشاعرهم وغربتهم وما احب حد يأذيهم
يعني هذولي المساكين يايين عشان يعيشون اهاليهموعيالهم
وحرام نظلمهم ونحملهم فوق طاقتهم
ولازم نذكر كلام الرسول صلى الله عليه وسلم في الرفق بالخدم

يزاج الله خير و الله فرحتيني
و الله هالخدم يغمضوني و يكسرون خاطري من اللي اشوفه و كيف الناس تعاملهم
عيب و الله و قبل العيب تراه حرام يسبونهم و فيه منهم يقذفونهم و يسبون اهاليهم و يعاملونهم كانهم حيوانات استغفر الله العظيم
خلاص الوحدة يوم تيب شغاله تستعبدها و تعاملها كانها ملكية خاصة و كانها قطعة اثاث رخيص لا يحس و لا يتحرك
هذا زياده ع الكراف اللي تشوفه عنبوه توقف من الصبح لين بالليل لا و فوق هذا شغلها ما يعيبها المدام
اتقوا الله فالضعفاء اتقوا الله فالخدم..انتي ياللي تسبينها ترى يمكن تكون هالخادمة احسن عنج عند رب العالمين و انتي ياللي تتخققين عليها بالنعم اللي عطاج رب العالمين لا تنسين ان الدنيا دواره و يمكن الله يحرمج منها فلحظة
و انتي ياللي عندج شغاله مسلمة و تشككين فاسلامها ترى هالشي حرام و نهى عنه رسولنا الحبيب بس ما اذكر الحديث
اذا ما عيبتكم خلاص ردوها المكتب و لا تمون تسبون و تضربون و تحرمون
احنا الحمد لله نحاول قد ما نقدر نعامل الخدم بما يرضي الله و الاكل مستحيل ناكل قبل لا نغرف لها و لازم تاكل من نفس اكلنا حتى لو طلبنا اكل من برع و فيه اكل فالبيت لازم نييب لها ويانا لان حرام ناكل شي و حد ثاني يطالعنا خاطره فيه

ياريت يا بنات تتعاملون بما يرضي الله

لو ما الحايه ما ودروا اهلهم وعيالهم

ويو يغسلوا ثيابنا وينضفوا وصاختنا

الله يعينهم علي حيات الشقا

صح كلامج اختي .. الخدم بشر مثلنا ولازم انعاملهم معامله طيبه ونحترمهم عشان يحترمونا ويأدون شغلهم على اكمل وجه.. وبعدين لازم نعطيهم وقت يرتاحون وما نضغط عليهم بكثر الطلبات تراهم ايملون وعقب ايحطون الحره في اليهال ولا راعية البيت ..