حوامل حصنن اعماركن قبل لاتطلعن من البيت 2024.

حوامل حصنن انفسكم حتى من الغريب

بقلكم على سالفه
ِ
ولدي العود لما كان عمره سنتين وتسع شهور كنت مربيه بولدي الثاني كان عمره 3 شهور
الامهم
سرت المستشفى كان عندي مراجعه ما بعد الولاده
ففي وحده كانت اطالعني وما تشي عينها عقب شوي يت يلست عدالي قالت لي اذكرتيني قلت لها منو قالت شفتج لما كنتي حاول باول ولد في العياده الفلانيه قلت لها اسمحيلي ما اذكرت فقالت لي يبتي توم ولا واحد اول مره قلت لها واحد فضحكت فقلت لها ليش تضحكين قالت لاني تحريتج حامل بتوم بس كنتي خايفه اتقلين نحسدج قلت لها شو هالافكار قالت من ذاك اليوم لين احين وانتي ما تخوزيني عن عقلي كله افكر فيج واقول اكيد احين حملت عقبهم ويابت عيال وايد واتسوى عندج عيال اكثر مني (انا في قلبي قلت استوب هاذي حسوده )فتمت اطالع النونو في العربانه قالت لي هاذا الثاني ولا في بينهم قلت لها بس هذيلا وما با ايب غيرهم خلاص فبتسمت فقالت لي ابا ايب عيال وايد قلت لها الله يرزقج بس الله كاتب لكل شخص كم بيب عيال فالاحسن ما نفكر بالموضوع فنقهرت قالت انا يايه اتعالج لاني ما احمل الا بالعلاج مع اني ما عندي مشاكل قلت لها يعني عندج احين عيال قالت عندي واحد عمره شهر بس لو حملت في الفتره الي كنتي حامل ببكرج كان احين ولدي عود ويربع شرات ولدج
احين انا عندي واحد وانتي اثنين (قهرتني)
فقلت لها ليش ذابحه عمرج هل ريلج يسوي مشاكل لو ما يبتي عيال وايد قالت لا عادي بس انا ابا كل ما يستوي عمر الياهل 6شهور احمل قلت لها تعب ولازم الياهل ياخذ في تربيته وياخذ حنان كفايه ما عيبتها الرمسه وكله اطالع في بطون الحريم واتحدق وعقب قمت من مكاني اشوف متى بيي دوري ورديت يلست في كرسي بيعيد عنها عشان لاتم اطالع العيال

وبس حبيت اقلكم على القصه عشان تحصنوا اعماركم من الحسد لان في ناس تحسد وانتي ما تعرفين

مشكوره حبيبتي

حتي هنيه في المنتدى بنات مايبون عيال

الواحد لازم يدعي لهم بان الله يرزقهم الذريه الصالحه

والمفروض تقولين لها يوم قالت لج ابا اييب عيال وايد كان قلتي لها الله يرزقج يالغاليه الذريه الصالحه توام توام

ويوم قالت لج انها اتعالج كان قلتي لها وانا والله من 3 سنوات ماحملت ويالسه اتعالج وان عندج ضعف وجي
عسب تحس ان في بنات شراتها مايحملن بسرعه وتحافظين على عمرج من العين

يعني الوحده ماتيلس تخبر الناس بكل شي يخصها سوا في المنتدى او غيره

وانا ماقول غير الله يرزق كل محرومه من الضنا بالذريه الصالحه عاجلا غير اجلا يارب العالمين

الله يوفقج يالغاليه والسموحه

الله يحفظ الجميع
الرقية الشرعية داومو عليها كل يوم
ودمتم في رعاية الرحمن

اللهم لك الحمد حتى ترضى ولك الحمد إذا رضيت ولك الحمد بعد الرِّضـا

ربي يحفظج ويرزق كل محرووومه يااارب

ادري في حريم ما يببن عيال راضيات بوضعهن بس اكيد يتمنن بالذريه بس مب حسودات بس هاي مادري كله اتقول حميتها عندها عيال وحرمه اخوها اتيب توائم ومادري منو يابت 5 وفلانه يابت 6 قلت لها هذلا من زمان معرسات لا تقارني نفسج فبيهم

وانا قلت لها الله بيرزقج ولا تفكري بالموضوع لان النفسيه لها دور بالاخص انها ما تعاني من مشاكل صحيه وقلت لها الدليل ولدج عمره شهر ويايه تتعالج عشان الحمل توي الناس

تعرفين استوى لي تقريبن شرات موقفج و اخيس بعد ..

ولما رديت البيت ولدي تعب وااااااااايد و ربج ستر ..

الحمد لله ان تلاحقنا الامور و وديته عند راقي قرا عليه .. و الحين صرت كل ما أظهر لازم لازم أرقي نفسي و عيالي .. الله أكبر الحساد وايدين ياختي ..