اتوقع مب بس انا اللي عايشة في هالمصيبة
اتوقع الكل او البعض عايش اللي انا عايشتنه
اسمحولي اني اكتب كل اللي في خاطري
لعل وعسى استفيد منكم ومن خبرااااتكم
انا عندي كل شي كل شي اللي اي بنت تحلم فيه ، وظيفة مرموقة وراتب حلو ، وخوات واخوان عسسل على القلب ، وأم وأبو مريحيني على آخر ، وبيت يسدنا وآكثر ، وجمال لا بآس فيـه ، ومب محرومة من أي شي ، كل اللي ابغيه اقدر اخذه من راتبي ،
بس بعدني متضااايجة ، ما عرف ليييش ؟
دووم الناس تمشي جدام بس انا دومي اطالع وراااا ، اشوف شو اللي تغير ؟
تخيلوا اشوف عمري مب حلوة ، وكل ما اشوف وحدة حلوة اعجب فيها لدرجة اني ادور كل صور ممثلات وبنااات حلوااات اتامل في جمالهم ..واتحسف على حظي ،
في الاعراس والمناسباب مهما اكشخ لعمري يوم اسير اهناك خلاص انحبط لاني ولا شي جداااااامهم ، احس جمالهم احلى واحلى وانا الخسفة
اجمع دروس من الانترنت وادور وصفات تجميلية وادور مني ومناك واخر شي ولا اطبق ودروس اللي عندي مكووووودددة ، ما ادري ليش هالعادة عندي
لو بتشوفون في الحياة العادية بعد نفس الشي ، عندي 100 ملابس _ 10 سواااع _ عبي متروسة _شنط مكودة بس بعد لما اسير السوق اشتري اكثر واكثر
والجديم ما اعقه اخلييه عندي لعل وعسى ارد البسه بس بعد ما اكمل سنتين احس اني ولا شي من اللي عندي لبسته او استخدمته وعقب مصيره يكون في الزبالة او اعطيه لحد /
واكتششفت بعد فترة اني اللي شراتنهم اشياء مكررة ، يعني مثلا سواع اشتري كله بالاسود ÷ وشنط كلها سودة × ما غيرت شي حتى ،، يعني حتى في الشراااء ما عرف اتشرى، ما اشوف شو ناقصني وامليه ، اشوف شي مال بسرعة بسرعة وعيبني واخذه وعقب اشوف اني اللي شارتنه ولا شي
انا احب اكون كاملة احب اتعلم كل شي كل شي كل شي ، بس ما افلح في اي شي ،
وعندي امكانيااااااااات وقدرات بس لما انحبط خلاااااص انسووني استوي ولا شي وخصوصا لما حد يحبطني اشوف عمري انسانة ثانية
مثلا اكشخ لما اسمع كلمة مثلا وحدة تقولي كشختج عادية ومب ذاك الزود خلاص انحبط وايلس بس افكر في اللي قالوه
في الدوام اشتغل واشتغل واشد حيلي ولما حد يحبطني ويقولي غلط اللي سويتيه خلاااص احباط على اخر
وايد افكر في كلام الناس ، وكلمة توديني وكلمة تردني ، مثلا مرة كنت مقتنعة اني احط فل ميك اب في العرس بعدين وحدة قالتلي مب شي فل ميك اب حطي الخفيف وعلى طول اغير رايي واحط الخفيف وعقب تندمت ،كيف اخلي الناس تسمع كلمتي وتحس ان لي كلمة مب كل حد ياخذني بالكلام 
وايد ينقص علي بسرعة
وهالايام وايد اسمع اني مملة وما عندي سوالف شرات الناس ، ومحد يحب ييلس وياي لان سوالفي تنمل ، ارد على نفس الدايرة واتكلم واتكلم وارد على نفس الكلام مرة ثانية ووايد افصل في الكلام
عندي كتب تثقيفية للذااات بس عمري ما استفدت من اللي اقراه لاني اقرا ويوم اصكر الكتاب خلاص انسى كل اللي قريته وما اطبقه ،
نفسيتي دآاااون هالفترة ، ساعد
حاولي تمسكين عمرج عن الشرى والشكل مو هو المهم ع فكرة
ولا هو اللي بيجذب الناس لج او بيخليهم يحترمونج او شي
لا اهم شي تكون نفسج حلوة و واثقه من عمرج
الواثق من عمرة الناس تحترمه و تخلي له مكانه وقدرر
..
انصحج بإستشارة الدكتورة ناعمة الهاشمي
^^
ان شاء الله تلقين مواضيعي عن الثقة تفيدج
غاليتي
شو أهم شي في الحياة وياج
شو علاقتــج مع رب العالميــــن ؟
لو يكون عندج مال قارون ,, وجمال ملكــات الكون
إذا رب العالميـــن مب راضي عنـــج
صدقينـتي السعادة الحقيقــة الي تدوم ومب مال ساعـة أو يوم ماعمرج بتحسين بها
أنا من موضوعج ماشفتــج تتكلمين عن علاقتــج مع رب العالمـــين
فيمــكن غاليتي هذا هو الخلل
غذا راجعتي نفســج وانتي صريحـة مع رب العالميـن
بتشوفيــــن فين النقص
وتقدريـــ، تصلحينــــه
وبعد أنصحــج بكتب د.إبراهيــم الفقي
سيطـر على حياتـك
خفيف وسهــل ووايد بيساعدج في حياتـج ^_^
وربي يوفقج لكل خير ^_^
إنتي لازم تعرفين شو تبين
وأهم شي لا تهتمين بكلام الناس
يعني إذا عندج عبايات وملابس واكسسوارات تكفيج _ لا تشترين حتى لو عندج فلوس
ولا تشترين تجاميلين صديقاتج – ولا تشترين تجاملين راعي المحل
حاولي تلبسين كل اللي عندج – بعدين فكري تشترين
ولا تشترين مرة وحدة – يعني كل مرة شي وتستخدمينه .
وبالنسبة للجمال
مش لا زم تكونين أجمل وحدة – حلو الانسان يكون مقبول وبسيط
وسايري الموضة وبس لا تبالغين
مرات تكون وحدة مش حلوة بالمرة بس واثقة من نفسها وتصير حلوة في عيون الناس
ومرات وحدة حلوة ومش واثقة من نفسها وتصير مش حلوة في عيون الناس
وعلى فكرة ترا كل البنات حلوين – وانتي وحدة من البنات أكيد بتكونين حلوة حبيبتي مثلهم
ولا تهتمين بكلام الناس
الناس يا حبي تحبطج _ وكلمة وحدة ممكن ترفعج فوق _ وكلمة تنزلج تحت
عشان جيه سويلهم طااااااااااااااااااااااف بالقو
يعني مثلاً
إذا وحدة قالتلج حطي مكياج خفيف وانتي حابة الفل
قوليها أنا حابة الفل هالمرة … وإذا كان مش حلو بجرب الخفيف
يعني خلي عندج كلمة
وإذا قالوا لج مو حلو ……. لا تنحبطين خلج كووووووول عادي
أصلاً مش مهم يكون حلو .. ألمهم انج شفتيهم وقعدتي معاهم وحضرتي عرس ربيعتج وهذا المهم
ياحبيتي ربيعاتنا يا ما يحبطونا … بس مش معناته ما يحبونه
أهم شي كوني نفسج وثقفي عمرج
وما في شي إيي بين يوم وليلة
عادي شوي شوي راح تتخلصين من المشاكل اللي عندج
والسموحة خيتووووووووووووووو
لانه اغلب البنات في هالعمر يهتمون بالاشياء الثانويه والكماليات
لاحظت على كلامج وموضوعج يهمج وايد الجمال وتهمج الاناقه
يعني يا تكونين حلوه طرر والكل يمدح في جمالج ولا ما ترضين تكونين عاديه
يا يقولولج كشيخه وايد ولا ما ترضين يقولولج كشختج عاديه
هل كل كشيخه حلوه وانيقه ؟
هل كل حلوه كشيخه وجميله ؟
الاناقه مطلوبه والجمال بعد مطلوب
بس الواحد عليه بنفسه ويرضا بخلقة الله
كوني واقعيه مع نفسج وواثقه منها شو تبغين من كلام الناس شو بتسفيدين
اذا قالولج الله انتي وايد كشيخه هل هالكلام بيرفع معنوياتج والا عليج انج
تكونين مرتاحه من لبسج واناقتج البسيطه
اهم شي انتي ونفسيتج وبس البسي الي يناسبج والي ترتاحيله انتي
اتأنقي واكشخي على حسب شخصيتج عشان تكونين مرتاحه من نفسج
وراضيه عليها
وبالنسبه لاختيارج اللون الاسود حاولي اتغيرين الالوان اتشكلين
اختاري الالوان الي تناسب لون بشرتج وشخصيتج
لا تتقيدين باللون الاسود وبس
حاولي تدمجين لون الشنطه والاكسسوارات والنعال تكرمين مع لون ثيابج
اذا حد عطاج رايه حاولي انتي بعد تقولين رايج ورغبتج في الي تبغينه
مثلا البنت الي قالت لج المكياج البسط هو الاحلى قوليلها خاطرج اليوم اتغيرين
واتسوين مكياج اوفر
اذا يلستي مع الناس مب مهم تتكلمين الاهم انج تسمعين سوالفهم
تبغين الناس ياخذون بكلامج عليج بالكلمه الطيبه
انتي ابدي سوي الشي اذا عيبهم بياخذون بكلامج من تصرفج او من الي سويتيه جدامهم
لانه الناس احيانا يوم اتكلمينهم يعتبرون كلامج فرض عليهم لكن يوم انتي تبدين اتسوينه
يطبقونه