حاجزين سيارة وتسووللي ترتيب حلو وين ننزل اول شي المانيا واخر شي فرنسا مثلا والا كيف وشوالاماكن الحلوة للاطفال هناك ومشكوراااااااااااات مقدما
لكن اذا تبين البارك بعد الساعة 4 يكون فيه عرض ومسيرة لكل شخصيات ديزني والعاب نارية والحديقة تبعد عن باريس في حدود نصف ساعة او اكثر شوي
ممكن بعد تودينهم ساحة الكونكورد فيها العاب وايد بفلوس وشي ببلاش ومنها لقوس النصر والمسلات المصرية وجولة بحرية في النهر وبرج ايفل والشانز وووايد اماكن يعني يبالج مال اسبوع في باريس
بعدين اذا حبيتي اتروحين المانيا عندج لكولون في المانيا حوالي 6 ساعات من باريس ومن كولون لزيورخ او لوزيرن في سويسرا بعد 6 ساعات يعني تقريبا الرحلة بتكون في شكل مثلث طبعا اعذريني يمكن المسافات اللي قلتها تقريبية لانه حسب سرعة ومعرفة اللي يسوق …
واي شي تبينه انا حاضرة
المشاركة الأصلية كتبت بواسطة اللؤلؤة 
شو تبين تعرفين اكثر؟؟؟؟؟؟؟؟؟؟؟؟؟؟؟؟؟؟
ما انصحج تجمعين بين المانيا و سويسرا و فرنسا في اسبوعين لان المسافات بتكون بعيدة و بتتعبين مع اليهال في الدروب !
اقتصري الرحلة على فرنسا و سويسرا احسن ^_^
انا بسويلج جدول للرحلة و انتي شوفي اللي يناسبج :
1- تنزلون في مطار زيورخ في سويسرا
2- من زيورخ على انترلاكن المسافة 127 كيلو يعني ساعتين الا ربع تقريباً .. تيلسون فيها 5 ايام
3- من انترلاكن على جنيف المسافة 215 كيلو يعني ساعتين ونص تقريباً .. تيلسون فيها 4 أيام
4- من جنيف تسلمون السيارة (لأن ما بتحتاجونها في باريس) و تسيرون باريس بالقطار السريع تقريباً 3 ساعات ونص .. تيلسون فيها 5 ايام و منها يوم واحد تروحون يورو ديزني
5- في العودة عندكم 3 خيارات :
– يا انكم ترجعون زيورخ بالقطار بس المسافة بعيدة شوي و منها تردون البلاد
– أو انكم ترجعون زيورخ بالطيران الداخلي و منها تردون البلاد
– أو انكم تردون البلاد من مطار باريس بس التذاكر بتكون اغلى شوي
و السموحة على القصور 