خبرة المتزوجات فقط؟؟؟؟؟؟؟ 2024.

شو اسوي زوجي بيرجع من السفر وانا في خاطري اسوي شي خاص بس استحي اسوي شموع؟؟؟
شو رايكن الي تعرف تساعدني من خبرتكن يا متزوجات

افا 10 داخلين ولا مشاركة

روحي حبيبتي لايف ستايل في اواع واشكال من الشموع ..

وانتظري اراء البنات ليعطونج افكار يديدة …

الله يسعدكم ويجمع بينكم على خير

ليش تستحي عادي شو فيها
اشتري شموع من لايف استايل

سويلج نيو لوك صبغي شعرج قصيه عند احسن صالون ..

اشتريلج قمصان نوم وبجامات يديده ,,, شموع ونثري ورد عالفراش مثلا ..

حطي فازة فيها ورد بطاوله الطعام ..

هذي اشوية افكار من الي ببالي وانشالله اكون ساعدتج

ليش تستحين كل اللي في خاطرج طلعيه ..باجر بتيبين عيالج و بيلهونج و بتدورني الدقيقه بس عشان تسوين جو رومانسي ..

اول شي غير شكلج و ستايلج في اللبس حتى العطر غيريه ..و عقب غيري لون حجرتج ..الكفر للاكسسوارت ..يعين اذا مثلا حجرتج الحين مارونيه جلبيها لفوشي او برتغالي او وردي ..

و كثري من الشموع ..و سويله اكله بايديج ..و خذيله هديه ..

و الله يهينيج و يسعدج و يرزقج الذريه الصالحه

1)خذيلج عطر يديد وكريمات يديدة من بودي شوب
2)كم لبسة يديدة +ملابس نوم
3)غيري شكل الغرفه من ناحية فرش السرير +ريحه الغرفة +اشتري كم شي تزينين فيه الغرفه تحف مزهريات يعني شي رومنسي بعفوية
4)الاكل خليه احلى واحلى (شي مهم طبعا )
5) اهم شي وقبل كل شي خلي الاستقبال ولا اروع يعني قبل ما يوصل طرشيله مسج قوليله من قدي اليوم بتكون عندي او الله واخيرا حياتي بتنور من يديد بوجودك معاي …الخ شي يكون من اعماق قلبج

مممم والاخوات ان شاء الله بيكملن
مع اني مب متزوجه بس احب انفع غيري ^_^
ادعيلي ^_^