عزيزاتي بختصر القصة واهي تخص وحدة من اهلي
متزوجة من 10 سنوات يابت له 3 عيال ،للأسف الريال من البداية يعاملها معاملة غير اخلاقية وتحملته
بحكم انه عيب المراة تطلب الطلاق ولا بد أنها تصبر ومن هالكلام وانه احنا في مجتمع شرقي …الخ
اهي تعشمت فيه قالت بيتغير اليوم باجر بعد الياهل الأول الثاني ..الثالث وبو طبيع ما يووز عن طبعه
وللأسف مافيه شي يديد خلا حياتها جحيم اهي ماشاء الله جمال واخلاق واجتماعية واهو عكسها انطوائي
وعدواني مع الناس ويغازل ويضربها وفوق هذا شايف نفسه عليها وعلى اهلها تصدقون يحرمها من
زيارة اهلها ويشك في اقرب الناس لها أخوانها >< طبعا اهي تصبرت لن الكل نصحها في هالشيء بس خلاص تعبت نفسيتها ومرضت وارتفع عندها الضغط فيوم طلبت منه الطلاق طالبها بمبلغ 200ألف درهم
مقابل الطلاق @@
المسكينة استسلمت ودعت ربها يفرج همها وسبحان الله ربنا ما ينسى عبده ما صار لها شهرين الا
وتوظفت وعقبها تغير الريال 360 درجة يوم جاف البيزات بس اهي مانست اللي سواه فيها من ضرب
واهانة وتحقير فصممت على قرارها بالطلاق ورفعت عليه دعوى طلاق للضرر .احين اهو خاف وما يبا
فضايح فقاعد يساومها على العيال ومارضت عقب طلب مبلغ حتى يطلقها ورضت بس مشكلتها في العيال
اهي تبا تعيش حياتها ويا شخص ترتاح له ويخاف الله فيها ..وفي نفس الوقت تدري اذا عرست بعد
الطلاق بيحرمونها من العيال >< فشو الحل يا أخواتي في مشكلتها غهي روحها في عيالها واهي اللي دايرة بالها عليهم ؟؟؟وعلى فكرة اهي تنازلت له عن كل حقوقها مقابل انه يطلقها من غير مشاكل طبعا اهو استغل الفرصة
وانها موظفة وما صدق سمع بقرار طويل العمر الشيخ محمد عن معونة مالية للأرامل والمطلقات فقال لها
اصرفي على عيالج انتي موظفة والشيخ بيزيد راتبج بعد الطلاق 
والله أنا كرهته يستغل كل صغيرة
وكبيرة ولا المصيبة يدرس محاماة واهو ظالمها وظالم هالصغار..
فشوركم يالربع تطلب الطلاق من المحكمة ولا تتنازل عن كل حقوقها وتدفع له مبلغ حتى يطلقها ؟؟؟
ضرورررررررررررري ساااااااااااااااعدوها مالها الا الله وبعده احنا ربيعاتها فحبيت خبرة كل وحده ورايها في الموضوع
تواصلي معاي ع الخاص عشان اعطيج رقم مستشار كبير
هاي امور مصيرية ما تنفع اهني
لازم تتواصل مع مستشارين
المحكمة موجودة بس لزم يكون عندها أثبات بضرر حتي لو حبال المحاكم طويلة بس بلآخر بتأخذا حقها بالكامل
بيفرضوا علية بيت ونفقة حق الأولاد وتوكل أمرها بموضوع الزواج لما الله يقدر شو مكتوب بيصير لا تسبق الأحداث
وحكاية توكيل محامي أيضا أمر مهم 0
ولااا فلس منهاااا
الحين هو مااسكنهاا من اليد الي تويعهاا وهم عيالهااا 00الافضل انهااا تسوي كل شي بالطريقه القاانونيه
الله ايسر امورهاا ويهدي النفوس يااارب
القانون ثم القانون أختي
لا تعطيه فرصــة يقص عليها ويستفيد منها حسبي الله ونعم الوكيل ..
خليهـأ تهدى وتستخير ,, وتوكل محاميــة واذا ماحصلت محامي شاطر ويعرف القانون عدل
وغاا عندها شهود عن الضرر يكون أفضل
ولو يطير أو ينزل الحضانــة للأم ,, إلا في حالة زواجها
وهذا الشي من الغيبيات أختي لا تسبق الأحذاث
وحتى اذا استوى وعرست بعدين
شكلها ريلها الحالي وايد مادي ,, ويمكن بالبيزات يتنازل على الأطفال بعد الله كريم ..
وربي يقدم لها الي فيه الخير
خلها تكثر من الاستغفار وقيام الليل عسب أمورها تتيسر للي فيه الخير
