خبروني عن احسن فنادق بوظبي 2024.

السلام عليكم ورحمة الله وبركاته..

شحالكن خواتي؟؟عساكن بخير..

فديتكن ابغي مساعده..ادورلي فندق عسب احجز لآخر 6بمناسبة ذكرى زواجي..وابغي مكان حلو..بصراحه ولامره جربت احجز ففنادق بوظبي وماعندي اي خبره..لاني بالعاده احجز فدبي والشارجه والفجيره وعيمان ولامره حجزت فبوظبي مع اني من بوظبي..
فياليت اتفيدوني..
اقترحو عليه مكان حلو وانا بدور عنه وبشوف..
والسموحه ع الاطاله..

أمممممممممممممم
احلى شى قصر السراب وبعدين شنغريلا
او قصر الامااااااااااااااااااارات

شنغريلا شفت غرفهم بصراحه حلوة..وقصر الامارات بعد شفت غرفهم خباال..
بس قصر السراب فعمري ماسمعت فيه..

ياليت فنادق ثانيه بعد..

اخوي اليوم راح جزيرة السعديات وقالي ارقى فندق فندق ياس وجديد ومميز ووووووووووووووايد بس ماعرف شيء عنه

حبيبتي عندج فندق فيرمونت عدال شانغريلا فيه مطعم elements عباره عن بوفيه ولو تبين فيه مطاعم ثانية وفندق شانغريلا عداله السوق شي مطاعم فخمه فيه انا جربت الهندي هب لهناك وطبعا لو تبين مطعم فيه بوفيه بتلاقين في فندق شانغريلا نفسه ,شي فندق قصر الاماراات وفيه مطعم اظن يناسب لهالمناسبة وهو مطعم الصياد يفتح بس بالمسا وبتكونين بكوخ ويا ريلج شي مطعم ايراني اسمه انار ومطعم لبناني الاوبرج كلهم جربتهم اكلهم حلو ….وجربت بعد الهيلتون والانتر كونيتننتال بس من مده مارحت فندق الميلينيوم رحته برايي يعني هب لهناك ورحت فندق رويال المريديان مطعم للاكلات البحرية كان روووعه وبس هالي اعرفهم ويوم بتحددين احجزي احسن

من تشبه بقوم فهو منهم واعياد الزواج ليس من اعياد المسلمين

ابتعدي عن الاحتفال بمثل هذه المناسبات المحرمه قد من الله عليك بالحلال فلا تبدليه بالحرام

ولا تبدلي الطيب بالخبيث ، واعلمي انه لاطاعة لمخلوق في معصية الخالق ، والله تعالى احق بأرضاه ممن سواه

من الخلق ، كل بدعة ضلاله وكل ضلالة في النار .

ام منصور

يزاج الله الف خير الغاليه ع النصيحه انا ماشبهته بعيد الزواج اللي يحتفلون فيه الكفار..انا قلت ذكرى زواجي ومجرد تغيير جو فهاليوم اللي بيصادف هالذكرى..ومب معناته اللي بتظهر فيوم ذكرى زواجها تفرح مع زوجها يعني تتشبه باليهود..رايج على عيني وعلى راسي..