مرحبا بنوتات وحريمات
حياكن قربن قرب العيد وكل وحده فيكم تخبرنا شقايل يقضون العيد اكيد بيكون في اختلاف بين كل عائلة وعائلة او على الاقل بين كل امارة
هذه القهوة والتمر
وهذه الخضراء شي لا بد منه في كل عيد وعن كل بيت
وهذه بعد شكولاته لزوم ندلعكم شوي عاد البنات يموتن فيها 
دايمـاً عوديتنا على مواضيعج المميـــزهـ
و نحن بالعيد
نقــوم من وقت ونتلبس ونتكشخ وجي
ونبـارك بالعيد على أمي وأبوي
بعدين ننزل تحت
نتريق ونتصــور <<أهم شي عسب الكشخه ما تروح على الفاضي 
و نروح بيت يدوه وهيك
نسلم ونعـايد
ونيمع عيديات ههههه<<بعدني ما كبرت على هالسوالف
وطبعـأ
لازم في سفره العيد
يكون فيه بلاليط ,جباب ,ومن هالحاقات
و سـله فواكه
و طببببعا ما نستغني
عن قصـر الحلويات
و نشتري من باتشي ولا بيستاش ولا فوااله <<عذأأأب
ولازم دله جاهي وقهوه
ومكســرات ومن هالسوالف
وهيك عيدنــا..
و أنتي ما خبرتيــناااا؟؟؟!
عاد انا عيدي ممل تبين الصدق اصبح الصبح واسوي الهريس وباقي الفواله ونروح البيت الكبير عند الاهل
ونيلس انسلم وناكل ما شي شغله غير ايون اليران يسلمون عاد انا كبيرة محد يعطني عيديه 
المهم من ياذن الظهر رديت بيتي ورقدت ولا دريت عن نفسي غير العصر هههههههههه
وثاني يوم ببيت اهلي وثالث يوم سياحة
وبس ما شي سفر 
لي عـؤدة 3>
نحن اغلب الاعياد نكون مواصلين ههه واذا رقدنا انش من وقت ونكشخ وهيك عقب نبارك للاهل ونروح بيت يدتي ام ابوي نتم لين الظهر وعقب بيت ام امي ونيلس شوي واذا كنت مواصلة اروح اكمل رقادي فغرفة بنت خالو هيهيهي ونيلس لين الفليل 
ولزووم دلال القهوة والجاي و الفوالة والحلويات وهالاشياء وثاني يوم وثالث يوم مرات فالبيت ومرات نظهر نحووط وبث =فيني حمااس واتريا يوم الاحد
اللحين بييبون باتشي و فواله >> آخآف نقضي عليها آنآ و آختى ههههههههههه >> خبآآل تآآيم