#$#$#خبيرات الذوق والالوان والديكور ممكن مساعدة صغنونة$#$#$ 2024.

شخباااركم
ادري حاشرتكم كل يوم والثاني طالبة مساعدتكم
بس ادري انكم بتساعدوني
طلبي كالتالي:
شو لون غرفة كل وحدة منكن
لاني ابي اعرف

شو الألوان الي تناسب غرف بنات فوق 20
لان حابين تغير الالوان ومب عارفين شو تشكيلة الالوان
ممكن تساعدوني

وفي عضوة يزاها الله خير حاطة مجموعة وااااااااااايد كيوت

https://www.uaewomen.net/showthread.php?t=197354

الله يحفظكن لأحبابكم

ختيه فديتج الوردي( الفوشي) والبيذياني وايد حلو روعه للغرف
وبعد عندج الاحمر على الابيض حلو

همم انا قلت وردي وبنفسجي بس حسيت الغرفة بتطلع بنوتية زيادة عن اللزوم
والغرفة لبنات يشتغلن
اما فكرة الاحمر حبيتها بس في علم الالوان الاحمر ناري وأحس ما يدعو للاسترخاء
اما الابيض احاول اتجنبه لان بسهولة يتوصخ الغرفة نقعد فيها وايد( من من النوع الي نطلع وايد برع البيت ويلستنا دوم في غرفة النوم)
على العموم مشكوورة على المرور حبيبتي والله يوفقج
نتريا آراء العضوات الباقيات

هلا الغاليه …

اولاً لاتحكمين انه بيكون غامق ..لأنج تقدرين تفتحين اللون عكيفج..
ويوم يكون لونين احلي.. عاد انتي اتفنني .خخخ

عندج البلووو بيبي ويا البني
الاحمر ويا الذهبي
العنابي ويا الذهبي
البنفسجي ويا سلفر
البنفسجي ويا الذهبي
الوردي ويا البييج اللي راد على جاهي الحليب ههه

وبالنسبه للذهبي ترا واايد يفخـم الغرفـــه ….
ممم شوو بعد
واذا حصلتلج صور ان شاء الله بحطهن لج ^_^

مشكوووورة وهالفكرتين على بالي :
العنابي ويا الذهبي
البنفسجي ويا الذهبي
وخاطري أحط ورق جدران من الي شفتهن بسوق دراجون على الليدار الي ورا را السرير بنفس الدرجات او بلون كلاسيك
تسلمين علىالافكار حبيبتي

فكرتج وايد بتطلع حلوة ..اذا حطيتي شي مشير بس ورا الشبريه وباقي الجدران ساده ..

شوفي هالدمج …

همممممم افكار حلوة
تدلخل السادة مع المشجر
واقدر آخذ من ورق الجدران واثبته على ريلات السرير
بيطلع شراة الطقم والشراشف بتكون سادة بواحد من الالوان ناااااااااااايس
بدت الافكار تنفجر براسي ( تقول العا ب نارية)
المشكلة خواتي تقليديات وما يحبن الا الاشياء العادية فانا شو قلت بسوي,,بسوي ديكور خاص حق سريري والليدار الي وراه بشكل ما يخرب على الشكل العام للحجرة
مشكورة مرة ثانية والله يوفقج