خبيرات الشاي ساعدوني 2024.

خواتي ما خليت نوع من الشاي ما استخدمته وجربة كل طرق تحضير بس بعده زوجي يقول الجاي مو حلو ترى زوجي كيف شاي بس تبون الصدق هذي الفترة مرة الجاي ما حل ما اعرف ليش فأتمنى تنصحوني بنوعية الشاي الممتازة بالاضافة الى طرقة التحضير للشاي الاحمر والشاي حليب والي تساعدني الله يوفقها دنيا واخره

ع حسب الشاي اللي عندج ،،

مثلا شاي الكبوس وايد حلو وشاي ريد ليبل بعد حلو اما شاي ليبتون ما ادري شياهم الحين احسه مب وايد حلو شرات قبل

دله شاي حليب:
استخدم 3 ملعقه شاي كبوس أو ريد ليبل +قوطي حليب ابوقوس+3 ملاعق سكر (ع حسب ذوقج)

اغلي لتر ماي عقب حطي السكر والشاي خليه يغلي شوي وخلاف حطي الحليب خليه يغلي 5 دقايق

اما الشاي الاحمر : عادي استخدم أكياس شاي ليبتون : 3 اكياس ليبتون في دله ومرات اغير شاي الوزة يكون حلو

ههههههه تقريبا كل انواع الشاي احب اجرب
موفقه

ان شاء الله الخوات يفيدونج

مشكورة ختي الهنود ربي يوفقج دنيا واخرة

عندج شاي الكبوس واايد روعة وعن تجربة بس لاتكثرين منه لانه يعطي لون

مشكورات خواتي نبض الشارقة والقوية بالله يزاكن الله خير

ههههههه انا احب واااااايد الشاي بس ما اضبطه سرت من كمن يوم عند ريلي قلت له ف خاطري شااااي كرك دشيت اشوف طريقته ف النت مافي بنات يسونه كله ريايل سوالي ف خاطريه وقام سييييده المطبخ وسوالي ذاك الشاي الفنان بصراحة طررررر وعاد انا مصختها كل يوم اقوله سولي اريد
بس شاي ليبتون وااااايد كشره ومب حلو انا خذت شاي اسمه tetley
وااااايد حلو تحسين انج تشربين شاي