اليوم حابه آخذ من خبرتكم شوي في امور الطبخ.. انا اعرف اطبخ بس اعتبر نفسي مبتدئه فعندي كم سؤال واتمنى مساعدتكم؟؟؟ في امور واايد ما اعرف متى استخدمها وشو فايدتها في الاكله وخصوصا في العيش والصوالين؟؟؟
متى اقدر استخدم ورق الغار في اي الاكل وشو فايدته؟؟؟
متى استخدم الجرفة.. شو احسن الصحيح والا البودره؟؟؟
متى استخدم الهيل والزنجبيل والمسمار؟؟؟
ربي يسعد الجميع..
متى استخدم الجرفة.. شو احسن الصحيح والا البودره؟؟؟
متى استخدم الهيل والزنجبيل والمسمار؟؟؟
امممم .. كل طبخه ولها بهاراتها وتقدرين بعد انتي تحطينها ع ذوقج
وفي بهارات ماتنحط في الحلويات .. مثلا المسمار !!
مثلا ورق الغار يوم تسوين صالونه ولا برياني …
والجرفه على حسب
مثلا يوم تسلقين شي .. قولي اللحم .. بتحطين الجرفه الصحيحه ..
وفي الحلويات طبعا البودره
يعني كل اكله تحدد شو يبالها
في الاغلب . يوم تطبخين العيش والصالونه تحطين البهارات اللي تبينها
حبيبتي بالنسبة للحلويات والشوربات التزمي الوصفة بالضبط بدون إضافة…يعني مثلا السينابون فيه منه بالجرفة المطحونة وفي كيك بالهيل المطحون فالتزمي بالوصفة…
أما الصوالين والبرياني فأنت ممكن تبتكرين تزيدين على كيفج….جربي كل مرة بشي ..وشو الي ما بيعجبج حتى لا تسوينه مرة ثانية…وبتستفيدي واايد من تجاربج…بس نصيحة لو حطيت شي وأنت مب متعودة عليه لا تكثري منه وايد…مثلاً..لا تحطي أعواد الجرفة في البرياني أكثر عن أربع أعواد…
أتمنى أكون افدتج,,,وأي شي تبينه راسليني ع الخاص وغن شا الله أعرفه وأقدر عليه ما بقصر
-دعواتج-
يوم اتقلون الدياي شو اتحطون له من البهارات؟؟؟
لانه يوم اطلب دياي مقلاي من مطاعم الهندية ايكون لونه احمر والصراحة حلو ويشهي؟؟ شو تتوقعون يحطون له من بهارات؟؟
المشاركة الأصلية كتبت بواسطة Um Hamed 
يوم اتقلون الدياي شو اتحطون له من البهارات؟؟؟
لانه يوم اطلب دياي مقلاي من مطاعم الهندية ايكون لونه احمر والصراحة حلو ويشهي؟؟ شو تتوقعون يحطون له من بهارات؟؟
ما اتوقع يحطوله شي غير الصبغه الي هيه الالوان