في حد منكم جرب يسوي الفرني بالعيش المطبوخ المطحون؟؟ أريد أجرب بس خايفه من الفشل!!!.gif "12 (58)")
10 دخلن بس فضول!!! محد عنده فكرة؟!!1
هي نعم انا اسويه
نفس طريقة الكاستر العادي
ما عندي قياسات محددة انا اسوي بالنظر –خبرة هههههههههههه—-
المهم
اودن كمية من العيش المطحون تقريبا كوب الا ربع يعني 3/4كوب — مال الجبن وهذا يعتمد ع عددكم في البيت
وافور حليب ع النار واحط فيه سكر- تقريبا كوب اواذا ذقتيه وشفتيه ناقص زيديه
وهيل مطحون ناعم او فانيليا للي ما يحبون الهيل وشوية زعفران مودن في ماي ورد
او ماي عادي تقريبا اقل عن فنجان بس مجرد ان يكون لونه اصفر حلو
ومن يفور الحليب اصب عليه العيش المطون واحرك بسرعة — بايد وحدة اصب والثانية احرك فيها – بمضرب سلك عسب ما يتكتل واخليه الين يتماسك
اذا شفته بعد 5 دقايق خفيف ازيده عيش واذوبه في ماي قبل واذا غليظ ازيده ماي
وخلاص صبيه في ملال او اكواب وخليه يبرد برع الثلاجة واذا برد عدل حطيه في الثلاجة
يعني تستخدمين عيش مطبوخ؟ مش المطحون الجاهز.
انا اطحن بروحي العيش مااحب الجاهز لانه يكون مطحون بدون غسال وفيه ريحه غبار
اختى بتحصلينها فى كتاب الطبخ الميسر بتحصلينه فى كارفر او فى مكتبة دبى للتوزيع انا اسوي منه طريقته وايد سهله
أم أحمد خالد وزهرة ياس مشكورات