خبيرات الكيك فقط 2024.

هذي كيكه مجربه مني

وتحفففففففه والله تنفش معاج وطعمها وشكلها رهييييييييب

المقادير :

4 بيضات
ثلاثه أرباع كأس زيت
1 علبه زبادي
1 كأس ونص سكر مطحون
ذره فانيلا
2 كأس دقيق
2 ملعقه صغيره بيكنج بودر
سمسم <<< حسب الرغبه ( ما حطيته )

الطريقة :

في وعاء خلاط الكيك الكهربائي نضع البيض + الفانيليا + السكر ونخفق ثم نضيف عليه علبه الزبادي ونخفق ثم الزيت ونخفق ثم بالتدريج نضيف الدقيق مخلوط معه البيكنج بودر حتي تنتهي الكميه ( أنا صبيت الخليط السابق على الطحين وخفقت بالخفاق اليدوي )
نصب الخليط في صينيه مدهونه بقليل من الزيت رشي وجه الصينيه بالسمسم ( أنا ما رشيت )
ثم ندخلها الفرن في درجه حراره متوسطة او اقل بقليل ويكون الرف او الصاج في الوسط
( أنا حطيتها في فرن حرارته 160 مدة نصف ساعة )
تجلس نصف ساعه بالقليل قبل ها المده لاتفتحين عليها الفرن ابدا وهذا أهمممممم شي والا بتخرب عليك وما تنفش
بعد هالمده تاكدي من انها نضجت اغرسي عود سنان او سكين اذا طلع نظيف
حمريها من فوق ثم طلعيها وخليها تبرد

وهذي صورتها

جوفي اشحلاتهاا

[IMG]https://www.*****.net/images/Apr06/hind_yougartcake3.jpg[/IMG]

الحقوق محفوظه للاخت هند = )

والفرن على حسب ..
انا اشغل الفرن اول ما ابتدي اسوي ويوم ادخل الكيكه اقصر عليه