خبيرات المنتدى . ساعدوني 2024.

والله بصراااحه مستحيه اسالكن
بس والله عيزت وانا احاووول واجرب اسوي ها الحركه وما تستوي عندي …
ساعات اشوف البنات في ردودهن يضيفن مقاطع من ردووود بناااات غير .. مادري شلون اشرحها ؟؟…

يعني تقتبس من اكثر من وحده في نفس الرد مالها …
ما اعرف كيف اسويها ياليت احد يساعدني …

والله ما اعرف فديتج كيف؟ ولا بساعدج ،،،،

فديتج سهله الحركه ومااايبااالها

تشوفين تحت وين مكتوب اقتباس؟
ادخليه هني واذا تبين تنقلينه لموضوع ثاني ضللي عليه كله وسوي كوبي وروحي لموضوعج اللتي تبينه وسوي بيست واضافة الرد وخلاااااااص^__^

اتمنى اني افدتج
واي سؤال من عيوني

والسموحه

والله من زمان أبا أسأل هالسؤال لكني متهايزة ، والحين "أحمدك يا رب" لقيت اللي سئلت بدالي واللي جاوبتني وهي ما تدري ، لا خليت من السائل والمسؤول.

امممـ .. مافهمت شو اللي تقصدينه بالضبط ..

بس انا بقولج الطريقتين ..

الاولى هي لو تبين تردين على اكثر من وحده في موضوع على شكل رد واحد ..

والطريقه هي ..

شفتي تحت كل رد شي ثلاث اختيارات صح ؟؟

مكتوب .. اقتباس .. وبعدها اشارة علامه + .. وبعدها صور قلم صح ؟؟

اول شي .. حددي الردود اللي تبين تردين عليها .. عن طريقه ضغط على علامة + .. بتشوفين صار لونه احمر ..

اذا صور العلامة احمر .. يعني للحينه اوكيه ..

واخر رد ضغطي على علامه + .. وبعدين اضغطي على كلمة اقتباس .. بتشوفين كل الردود صارت في رد واحد ..

:

:

والطريقة الثاني هي ..

لو تبين تنقلين رد وحده من موضوع ثاني لموضوعج .. واتوقع يمكن هاللي تقصدينه ..

هي مشابهه لطريقة الاولى ..

تحت الرد اللي تبين تنقلين منه .. بتلاقين مكتوب اقتباس ..

اضغطي عليه وبيفتح لج صفحه فيها الرد .. انسخي الكلام كله ..

وحطيه في الموضوع اللي تبين تحطين فيه الكلام المنقول ..

واي سؤال انا حاضرة .. ^___^

بالتوفيق اختي

روحي للرد الي تبين تردين مثله او تعلقين عليه و بتحصلين كلمة اقتباس عند الشخص تحت توقيعه على اليسار هوسي عليه..

اتمنى اني اكون جاوبت على سؤالج…