السلام عليكم
ممكن اتفيدوني بس بغيت اعرف الميزانيه حق شخصين لانا محتارين النمسا ولا استراليا الي سافرت ممكن اتخبرني كم الميزانيه حق النمسا وكم الميزانيه حق استراليا للعلم معانا طفل شو لازم اشيل ويايه ولا ممنوع اشل اغراض من البلاد
اتمنى انكم اتفيدوني خواتي واكون شاكره لكم 
استراليا شهر 6 و 7 عندهم شتا واايد برررد موت .. اما في اوروبا الجو حلو و معتدل يعني براد و اوقات يكون شمس واحياناً غيوم وامطار
استرالياً طبعاً اغلى بوايد لانها بعيده و تذاكرها غالية
و السياحة في استراليا متنوعه اكثر شي بحر و حدايق ملاهي و مدن راقية ومولات و بعض الاماكن الطبيعية
اما في النمسا اكثر شي طبيعة و اللون الاخضر في كل مكان و القرى الريفية الصغيرة و الاجواء روعة
في النمسا ممكن تحصلين شقق حلوة و رخييصه وايد في الريف مثلاً اليوم على 300 درهم او اقل بعد ^^
اما استراليا اعتقد بتكلفج اكثر
السياحه حلوه ف أستـراليا بس مكلفه شوي ,, واذا بتسافرين أستراليا ممنوع تاخذين معـاج أكل من البلاد ! فالمطـار يشلون الأكل عنج!
أما النمـسا حلوه وااايد وفـيها مناطق وااايد حلوه وبتستانسون فيها .. والميزانيه تعتمـد عليكم كم الفتره اللي بتقضونها هناك
موفقه ان شاء الله ^^
يعتمد على مصاريفكم
نحن سافرناا النمسا
(فينا) 11يوم كلفنا
20000درهم شامل
الاكل بس الفطور فالفندق
ومن غير الشوبنق واالهدايا
والنمسا حلوووه ان شاءالله
تستانسون فيهااااااااااا
والنمسا على حسب الموسوم
بس النمسا مب غالية
و ماشوف وايد فرق بينهم في الاسعار .. ماعرف كم كلفنا بالظبط بس حسيت ان الاسعار متشابهه ماشي وااايد فرق
و علي حسب المنطقه الي بتسيريلها في استراليا .. سيدني واااااايد ابرد من جولد كوست
بس موول ما انصحج تسيرين سيدني.. سيري جولد كوست وااايد احلي .. و علي فكره شتاهم نفس شتانا
البرد الي عندنا في الشتا نفسه عندهم،، يعني برد و لاز تشلون جاكيتات بس مب الثجااال واايد ،، جاكيتات عاديه
و النمسا بعد حلوه و جوهم يعد تقريبن نفس بردنا