بإذن الله بسافر اوروبا شهر اربعه
طبعن اهم شي البلاك بيري خخخخخ
ف أبا اعرف كيف اسوي الخدمه هناك
اسويها دولي من الامارات ولا أخذ رقم من هناك واسويها ولا كيف
فهموني لأني ماعرف
وهيه
بن روح المانيا وسويسرا والنمسا كيف عن الخدمه لازم فكل منطقه اسوي الخدمه ولا بتكون شغاله كل مكان
جاوبو بليز ولا تبخلون علي وشكرا
موووول ما انصحج تفتحين خدمة البلاك بيري من اتصالات دولي أبداً، و الا اتحمّلي الفواتير الخياليّة اللي بتيج
أحسن من تسيرين كل دولة تشترين بطاقتهم و خدمتهم ترى وايد ارخص عنا، و ربيعتي في اوروبا تقوللي كانت بطاقتها دُو مدفوعه و مشتركه اشتراك محلي
بس من تشبك على الواي فاي في اوروبا تقول كانت تشبك الخدمه عندها و يوصلنها الرسايل و تروم تفتح النت و تستعمل الـ BBM
بالتوفيق اختي و إن شاء الله تستانسين في سفرتج ^_^
وتروحين وتردين بالسلااامه ياااا رب
بالنسبه للبي بي من اول ما طلع البي بي و انا افعل الخدمه و اشله ويايه فالسفر و كانت الامور طيبه..لين اخر سفره الي كانت فشهر ٩ و ١٠ شغلت الخدمه الدوليه ب ٢٩٩ ع بالي الامور طيبه شرات قبل بس عقب السفر ب ٤ او ٥ ايام تفاجأت برساله من الاتصالات اوني تجاوزت الحد المعين و انهم بيبتدون يحسبون الاكسترا شارج طبعا تفاجأت و يوم اتصلنا البلاد و تخبرنا قالو 299 صارت بس لعدد معين من الميجابايت
خلاصه خذي شريحه من الدوله الي بتسافرين لها احسن