![خليجية](https://alnebras.com/pic/img/montda-b//a5u11511.gif)
شخباركن يا حلوات ؟ كيف 2024 وياكن ؟ ان شاء الله تتحقق كل امانيكن ….
السنة اللي طاااافت .. 2024 .. سويت ويهي حقل تجارب للمكياج والمنتجات الثانية !! وفي النهاية حصلت انسب مكياج للبشرة الدهنية .. كملوا الموضوع وبتعرفون فالنهاية …
اول شي استشرت مستشاراتي هني عن افضل اساس للبشرة الدهنية .. وكل مرة اجرب !! اول شي جربت لابريري هاذا :
500 درهم طاحت عالارض بدون اي فايدة ! وهذو هني يالس فوق التسريحة وماستخدمه الا يوم اسير السوق ! يدهن الوجه ويلمعه بطريقة فظيعة ، لا والبايعة فاريج مدحت فيه وايد اونه شي !! "زبونات لابريري معروفات كتيير وما بيغيروا عنه ! خديه وما بتندمي "! لا والله تندمت اشد الندم ! يباله كيلوا بودرة عسب يطفي اللمعة ويثبت .. والصبح احط منه وقبل لا اظهر من البيت يبدا يسوي خطوط عالويه ويلمع ! حتي ماك فيكس مانفع وياه !
وبعدين جربت من ماكس فاكتور ميريكيل تاتش:
من كثر ما مدحوه البنات طرررررت عالايف ستايل وشريته ! نصيحتي لصاحبات البشرة الدهنية لاتشترون اساس كريمي ! مايثبت ! ويلمع ! .. كانت تغطيته خفيفة وايد .. ويلمع بس اقل عن لابريري.. ونفس المشكلة يتعبي فالخطوط اللي فالويه ( حول الفم وتحت العيون)..
قلت لنفسي معقولة !! العيب في بشرتي ولا المكياج ولا شو !! قلت لازم اييب بيس للوجه ومثبت مكياج .. لعل وعسى !!
سرت اريج ( فالاول كنت اسير وايد بس الحين لو يموتون مابسيرلهم!) وقلتلهم مشكلتي اقنعوني اشتري من كلاوينس منتج يقبض المسام ويعطي منظر matt .. اللي هو
ومن كلينيك .. مرطب الجيل للبشرة الدهنية
مال كلارينس ولا كني حاطة شي ! مايسوي شي موووووووول! خسارة فلوس عالفاظي ! ومرطب كلينيك حبيته بس وايد غالي ! الغرشة الصغيرونه ماذكر 180 اظني! ووايد كنت استعملة ويبالي اشتريه دوم ! ودرته الحين وخذيتلي واحد ب 27 درهم بس ووايد فنان من كارفور
الحين بكمل .. صبروا شوي .. ماودي اخلي الصفحة طويلة!
دورت فالنيت عن افضل فاونديشن للبشرة الدهنية .. الكل ( الاجانب) مدحوا Bare Minirals بس موجود في سيفورا وانا ماسير دبي .. حصلت في لايف ستايل منتج مينيرال فاونديشن اسمه BVain Miniral Foundation.. يبت اللوس باودر والبلاشر ..
حبيت البلاشر واااايد .. بس الفاونديشن يوسخ وايد لانه لوس باودر! ولانه مايدخل فالمسام يبان كان الويه مثل البرتقاله !! المسامات تبان بشكل فظيع ويكون كانج حاطة برونزاج مع اني خذيت افتح درجة ! يقولون جي يستوي لانه فيه معادن طبيعية !اونه حديد فالويه !
اللي بعده ..
اكيد تعرفونه !! ماشفت وحدة فالمنتدى الا ومدحته !!
اوكي ملمسه ناعم عالويه .. بس نفس المشكلة الازلية .. بس اخلص المكياج وقبل لا اظهر من البيت يستوي خطوط! وبعد فترة يتقطع عالويه خصوصا حول الفم .. دوم لازم احط باودر …
قلنا يمكن المشكلة فالباودر !!
خذيت هاذا من ماكس فاكتور .. اوكي ماشي فرق بس احسه وايد ناعمة
وجربت هاذي من بريستيج
حلوووة لانها وايد نااعمة ولونها على بينك يعني ماتكونين صفرا !! الويه يكون فيه حمرة طبيعية ..
وبعد جربت ماك ستوديو فيكس
واايد احبه .. صراحة هالبودرات ماعليهن كلام .. بريستيج .. ماكس فاكتور وماك ..
الحييييييييييين شسوي يعني !! وين العيب والمشكلة!! .. وانا ادور فالنت واليوتيوب عرفت وين المشكلة !! المشكلة فالبيس !! يعني لازم اشتري بييييس! موب مرطب لان المرطب مايسوي بيس زين للمكياج ويخليه يسيح مهما كانت جودته .. فشريت من فورايفير All Matt
وفرحت يوم شريته اخيييييييييييرا بتستوي بشرتي مثل باجي البشر !! بس يافرحة ماتمت !!! حطيت منه وجربت كل انواع البودرات والاساسات اللي عندي !! ونفس المشكلة ! اساس يتقطع .. خطوط باينه .. ومكياج العيون يستوي عجيب خصوصاً على كسرة الجفن !
ويفضل انج بعد ما تمسحين المكياج اتغسلينه بالصابونه وبعدين اتحطين شرايح خيار عسب ترتاح بشرتج
وحاولي كثر ما تقدرين انج اتقليلن من استخدام كريم الاساس او البودرة
لانها اتزيد من الدهون اللي تظهر فالبشرة
يعني اذا طلعتي السوق يكفي اتحطين بلشر وكحل وجلوس
وكل شهر حطي ماسك مرتين للبشرة الدهنية
او طين البحر الميت يمدحونه
![13 (15) خليجية](images/smilies/part3/13 (15).gif)
من زماااااان مرة شريت اساس Matt Velvet من فورايفر .. وااااايد عيبني وناسب بشرتي .. اللي خلاني اودره قلت يمكن فيه واحد احسن عنه وخليني اجرب !! بس من فات اديمه تاه!!
بعد المعاناه مع نص مكياج الكرة الارضية فكرت اردله مرة ثانية ! ظهرت من البيت مخصوص الجيمي مول وشريته من كاريزما !!! والحيااااااااااااااااااااه ردت حلوةةةةةةةة وورديييييييييييييي!!!
ويين كان من زماااااااان!! والله انه مايسوي خطوط عالويه الا بشكل طفيييييييييييييييف ويثبت ومايسيح ومايسيح مكياج العيون بدون مثبت ولا خرابيط !! بس اكيد عالانف يسيح من كثرة الدهون بس ماعليه المهم باجي الويه !!
الحين تركيبتي الذهبية :
اول ماتنشون من النوم غسلوا ويهكم .. خخخخ معلومة يديدة .. بعدين لازم ترطيب الويه بالبيس .. اللي في حالتي: All Matt.. بس بدون منطقة العيون .. حطوا مرطب عادي واذا عندكم بيس العيون حطوا منه .. بعدين خلوه ينشف شوي .. وابدوا في وضع المكياج بالطريقة العادية ! بالنسبة لي احط مات فلفيت الاساس .. وبعين بودرة ماكس فاكتور او ماك ستودسو فكس .. بعدبن البلاشر وانا احب هاذا
بس لون وردي اكيد !
واخر شي مكياج عيوني وايد خفيف للدوام.. واحب برستيج البيج
اول واحد فوق !!
او Palladio اي لون
وشوية جحال وخلاص !! عالدواااااااااااااام!!!
وسلمتوا
اتمنى ان تجربتي تكون فادتكم .. وفي انتظار تعليقاتكن ..
مشكووورة حبيبتي .. بس انا مشكلتي من الداخل ( خخخخ دكتورة استويت ) .. ماخليت صابون ولا ماسك ولا طين الا وسويته وماغير شي .. يبالي معالجة من الداخل بهالراكوتان بس ماودي اخذه لاثاره الجانبية وغير انه ينشف الويه وموب ناقصني تشويه في وييهي قشور وحبوب وغيره! ورانا دوام !! وماقدر استغني عن الاساس لان الحمد والشكر لله بشرتي موب متناسقة وفيها اثار حبوب.. يعني لازم البس القناع وماخرع البشر
العفو حبيبتي
انا بشرتي دهنيه بس فمنطقة الانف
ولما احط كريم اساس يكون اوكي بس بعد ساعه يسمر ويهي وما اعرف شو اسوي
انا بشرتي دهنية
وكنت شراتج
لازم اخبص ويهي بكريمات الاساس هاي
بس الحل الوحيد الي لاقيته مناسب لي هو اني ما احط كريم اساس
وخاصة ان بشرتي ما فيها عيوب كبيرة
فقمت استخدم الكونسيلر على الهالات السودة حوالين عيني
وعقب استخدم اللوز باودر على كامل ويهي
واعتقد هاي الطريقة بتم عليها فترة طويلة لانها عملية وما تاخذ وقت
ولانها ناسبت بشرتي وايد