حبيت اشكر كل من ساعدني وشجعني في هذا المنتدى اللي حسيته مكان
ثاني ارجعله وافضفض فيه 
سواء بنات او امهات واللي رفعلي مواضيعي 
وطبعا انا اليوم بعد بفضفض لكن عن اللي في خاطري واباكن تقولن لي هل انا صح او غلط
وطبعا باب النقد مفتوح 
واتمنى القى تفاعل ويايه
طبعا الاغلبية يعرف موضوعي السابق واللي مايتذكره يدخل بروفايلي ويجوف مواضيعي بتلقونهن كلهن عن الدراسة
والمشاكل اللي انا واجهتها
ولكن الحين انا خلاص قررت اني لازم اشجع روحي ومافي شي بيوقف في طريقي لا كلام بنات
ولا هم يحزنون 
وان شاء الله ع الفصل الثالث اذا الله احيانا بشد حيلي
وان شاء الله النسبة تكون في التسعين
وطبعا من اليوم ورايح مابقارن حد ثاني فيني حتى لو كان اعلى عني فالدرجات او حتى لو كان اعلى عني بالغش
لان صدق عرفت ان الله ماينسى عباده 
والحمد الله ع كل شي
والحين بقول لكم طريقتي اللي راح استخدمها فالدراسة واتمنى منكم تشجعوني
اولا طبعا قررت ان يكون عندي دفتر كبير واقسمه على المواد اللي احس انهن يبالهن مراجعه وهن المواد الاساسية
عربي – اقتصاد – علم اجتماع – احياء – تاريخ – جغرافيا
هاي المواد اللي احب الخصهن في الدفتر مالي ^^
المهم وقررت اني ادرس اول بأول اول ما اخذ درس سيده ارد البيت واراجعه
وقررت بعد ان لازم اتحدى لان احس اذا تحديت حد اقدر اوصل للقمه ولان بعد يعطيني دافع
اني اشد حيلي
ولازم احضر واشارك في الحصه وما اسولف
يعني بالمختصر بستوي دحيحه بحت 
وقررت ان يوم يكون عليه تكليف او واجب او بحث او شرح اكون جاهزه اني اسلمه
وان شاء الله اقدر اثبت وجودي الفصل الثالث وارد شرات قبل اللي امتحاناتي ماتنقص اكثر عن ثلاث درجات 
وكيف كانت درجاتي فالتسعين والثمانين وماشي اي درجة في السبعين
بشد حيلي انا اقدر ايب نسبة ان شاء الله يارب
وقررت بعد ان لازم افرح ماماتي لاني احسها وااايد زعلانه بس وعدتها اني ايب نسبة الفصل الثاني والثالث
وان شاء الله يارب اقدر احقق امنياتي واظهر من ثاني ثنوي واروح ثالث ثنوي ان شاء الله
وبعد يوم ارد من المدرسة جدولية بيكون كالتالي :-
اتسبح واتنشط واصلي واقرى اذكار
وابتدي امسك ورقا وقلم اكتب شو خذنا اليوم وارد واراجعه
واذا كان عليه امتحان براجعه اول شي وبذاكره عدل
وما برقد العصر 
لاني حسيت ان كل ما ارقد ما انش الا بعد المغرب
وما اقدر اذاكر في هل الوقت
وو شو بعد ما اعرف اذا عندكن افكار لاتبخلون عليه وسامحوني
باني طولت عليكم
وشعاري بيكون :اصرار+ تحدي + مثابرة = نجاح
كلـآمج عين العقل ^^
هـي لـآزم تثبتين وجوودج و مررهـ تمج حظري وحفظي ودرسي..ترـآ ما بـآقيلج غير حبتين وبتتخرجين^^هههههه
و فرحي ماماتج بعد
مووووفقهـ والـى الـآمام^^
المشاركة الأصلية كتبت بواسطة كتكوتا 
كلـآمج عين العقل ^^
هـي لـآزم تثبتين وجوودج و مررهـ تمج حظري وحفظي ودرسي..ترـآ ما بـآقيلج غير حبتين وبتتخرجين^^هههههه
و فرحي ماماتج بعد
مووووفقهـ والـى الـآمام^^
امين الله يسمع منج أشكرج ياقلبي انتي
والبنات على الاقل رفعولي الموضوع ما ابا شي غير
دعوه صادق وسلمتن
المشاركة الأصلية كتبت بواسطة bnt father والبنات على الاقل رفعولي الموضوع ما ابا شي غير
دعوه صادق وسلمتن
العـفو=)
وحبيت اضيف معلومة بـس…=)
اذـآ تبين تنظمين وقتج..اهتمي بصلوـآتج الخمس في اوقـآتهن بالضبط..
انـآ امي جي قـآلت لي..ويوم تميت اصلي كل صلـآة في وقتهـآ حسيت اني صدق منظمة وقتي..
لدرجة اني مـآ شـآء الله رمت احفظ التـآريخ في يوووم وـآآحد^^
و السمووحه على القصـور..=)
و أهنيج عليه غيرج ما اهتــم
الله يوفقج دنيا و آخره ويرزقج باللي تتمنينه
حبيبتي لا تيأسين لأن الموضوع يباله صبــــــــــر وطولة بال إذا مرة مرتين عشر صادفج شي وكسر معنوياتج
كوني أقوى منه وكملي لين ما توصلين مبتغاج لاتخلين حد يأثر فيج بكلامه
و بترتشفين كاس النصر بكل فــــــرح
أدعي ان الله يثبتج على اللي تبينه ولا تيأسين لأنج بتتعبين
هالطريج يباله قوة وعزيمة و إصرار وانتي عندج هالشي
و أحلى شي هيه النتيجة اللي صدق بتحسين إن تعبج ما راح
خساره .
الله يوفقج ويثبتج
كلامج عين العقل
هي لازم تثبتين وجودج و مره تمج حظري وحفظي ودرسي..ترا ما باقيلج غير حبتين وبتتخرجين^^هههههه
و فرحي امج بعد
مووووفقهـ والى الامام^^