او كلامنا 
حبيت احط الكم طريقتي في خلط الحنا … اكيد قريتوا كذا طرق … وانا معاكم بس انا بعد ماقريت استفدت من اضافة مادة وحده انا ماكنت اضيفها بس اللحين بديت … وبخبركن فيها من ضمن الخلطة …
الاغراض :
حنة حضرمية ( قد كوب كبير كاسة الجبن 240 غرام )او الكمبيه اللي تشوفينها تكفيج وانخليها بمنخل الطحين واللي يبقة من اغصان حطيه في
( خلطة الماء اللي بكتبها تحت )
(الحنة الحضرمية روعة يابنات اخيراُ لقيتها في القرية وصيت عليها جارتنا بس ماحلصتها دوم مخلصه واللحين بسير اخذ لي 10 اكياس يكفوني لين السنه اليايه – الكيس على قياس شعري يسوي لي 3 مرات علماُ بانه شعري طوله يوصل لين صدري )
روب معفن
( نصيحه الروب يوم ينتهي لا تعقينه وممكن تستفيدين منه للخلطات الجسم والشعر وحتى الحليب لاتعقينه ممكن تسوين فيه حمام حليب حلو للبشرة .. )
كندراي بيكربونات الصوده
( هذا الشيء اليديد قريت عن السفن اب وماعيبني لانه فيه سكر والسكر يجفف الشعر يعني حنة وسكر يطلع الشعر ياعده … مكشه )
خلطة الماء
( ملعقة من القهوه العربية , الشاي, الحلبة , المحلب , والمسمار ) تحطينهم في 2 كوب ماء على النار وتخلينهم لين يصير لون الماي بيج او بيج محمر وتشخلينه وتتركينه يبرد …
اتيبن طاسه زجاج وتحطين الروب والكندراي وتخلطينهم وتحطين الحنا فوقهم وتخلطينهم زين واتيبين خلطة الماء بعد دفت وتصبين شوي شوي على الحنا لين توصلينها مثل قوام الكريم .. وبس تتركينها 8 ساعات تتخمر عدل وتحطينها 3 ساعات في شعرج ماتزيد لانه الحنا الحضرمي يعطي لون للشعر عجيب
ولاتنسين تدهنين شعرج قبل باي زيت تخرسينه يعين مب شوي لا مخرس عدل وبعد ماتخلصين من دهن شعرج تتركينه نص ساعه وعقب تحطين الحنا
يوم بتين تغسلينه خلي الماء عليه دون ماتمشطينه بس ابيدج شوي شوي نزلي الحنا ودخلي اصبوعج في شعرج وحاولي تخلين الحنا تنزل قد ماتقدرين … بعد مانزلت وحسيتي لون الماء صار فاتح عن اللون الاحمر حطي الشامبو واغسلي عدل عن الحنا والزيت .. وعلى طول حطي حمام كريم وهاتي منشفه وبلليهي بالماء الحار ولفي فيها شعرج ( هذي الخطوة حق اللي شعرهم مثلي نوعه غجري ومنفوش ) يهدي الشعر وينعمه ويخليه سايح … وممكن تستخدمين المشط اللحين اذا حسيتي انه للحين باقي شيء من الحنا
طبعاً اللحين اقولج نعيماً
بعدين يوم تطلعين هاتي زيت اللوز او الخروع وحطيه مثل السيروم وجففي من بعيد لبعيد بالسشوار وبعدين مشطيه بمشط اسنانه كبار او بروش … ولميه بشباصه وانعمي بشعر ناعم ولونه روعه وادلع ياكايدهم ..
* ملاحظة ممكن تسوينها مره في الاسبوع ومفيدة لتنقية الشعر من القشرة واعطاءه لون بدون صبغات وخرابيط .. يشل التقصف ويخفف تجاعيد الشعر ويقوي منابته وينبته ويغلضه .. واخيراً يوقف تساقط الشعر …
* لاتخلطينه بالسدر ابداً لانهم بيسون عليج حرب الجفاف ولكن ممكن تحطين بودرة السدر على غرشة ماء مسافي وترجينها عدل وتستخدمينها قبل لا تغسلين شعرج بالتدليك فقط وهي مفيدة جداً
اختكم
الطريقة شو يبيلها شغل .. بس عيبتني .. وبجرب ..
شو كندراي بيكربونات الصوده ؟؟
تسلمين الغالية
اختي حمام الكريم مايترك مجال لشعرج يجفف … وهذي الفايدة … واذا ماتحبينه ممكن تستغنين عنه بالمايونيز انا صار لي سنه استخدمه روعه يطري الشعر وينعمه بشكل ماتتوقعين كيف وخاصه للي شعرهم شراتي … انا قبل استشوره بعد ساع يرد ينفش بس بعد المايونيز صار مشالله اذا استشورته والله محد يصدق انه شعري مجعد نوعه غجري يتحسبونه سايح …
وانا احط المايونيز مرتين في الاسبوع والحنا مره … واللحين سويت خلطة زيت عافية بالحبلة يقولون تطول ابا اجرب ابا شعري يطول
اختي الكندراي الاسود اللي مافيه سكر ويموتون عليه الريايل ليش مادري … انا احطه في الحنا (: