شحالكم
بحط لكم عجيييينه روعه حق كل شي مثل البيتزا او الجبنيه و خليه نحل
بحط لكم طريقه خليه نحل بالتفصيل
المقـادير
1 ونص طحين رقم 1 (قوطي السميد )
4 ملاعق صغيره خميرة فوريه
4 ملاعق صغيره حليب بودرة
4ملاعق صغيره سكر ناعم
ملعقة صغيره ملح
نص فنجان زيت
جبن أي نوع المثلثات او الكيري
ماء
الطــريقــة
تخلط جميع المقادير مع بعضها البعض لين ما تتكون عجينه متماسكة وتترك نص ساعة لين ماتتخمر
ناخذ شوي من العجينه ونفردها بايدنا
ونحشيها بالحين
ونصفهم في صينيه مدهونه بالزيت
وندهن الخليه بالبيض وننثر عليها سمسم
وندخلها الفرن ولما انطلعها انصب عليها شيره
وهاي الشغلات اللي سويتها بنفس العجينه
نفس طريقه الخليه بس قليتها بالزيت وحطيتها في سكر مطحووون ^_^
البيتزاااااااااااا
بس الصوص الاحلي هووو
6 حبات جبن كيري +علبه حليب مركز نخلطهم في الخلاط ونصب فوق السينابون
واسمحولي اول مره اشرح :^_^
تسلم ايدج والله .!
كل اكلة تقول الزود عندي ،،
وباين العجينة فنانة والله
بجربها وبرد عليج خبر
بس شكثر تقريبا الماي ؟!. . لان مرات تطلع العجاين عندي قاسية شوي ،، ومرات لينة بزيادة لووول
وتسلم يمينج مقدما غلاتي
و ربي يوفقج ويجعله في ميزان حسناتج
ل
تسلمين ع الطريقه
السكر الناعم قصدج البودرة و لا
غربلاااات بليييييسج ..!
خليتيني اشوف الموضوع قبل الفطور هههههههههههه
يعت والله
خااااطري في البيتزا & السينابون
بطرشينه والا نفس الجنز خخخخخخ
لازموه موضوعج كشخه
ارقب المميز من صوبج
.gif "12 (88)")
ما شاء الله عليج و سلمت يمناج
انا استخدم نفس المقادير بس بقياسي .
بقولج بالنسبة للبيتزا جربيها مع كاتشاب جلي " الصلصة التايلندية " اسميها سبايسي و بدون طماطم و شوفي طعمها و قوليلي رايج
