مرحبا بكن خواتيه
أنا عندي أختي بتعرس جريب وأبي أعرف محلات حق المخاوير والعبي عندكم أوكي وحلوات أبي أسماء المحلات وأرقامهم وامكانهم بالضبط لو ما عليكم امر
والسموحه ع المغثه
بالنسبه للعبي طبعا شارع الكويتي لو تعرفينه اللي ف راك كل محل احلى عن الثاني الصرآحه كلهم روعه
وبعد في محل عبي صوب محل بليز مام
وبالنبسه للمخاوير بتكونون نفس الشارع وانا انصحج تفاصلين وياهم لأنهم اول شي يضربون السعر فوق
وبعدين ينزله وايد لو شافج سكتي بيزيد اكثر طلعي لسانج وفاصلي ههههه هالفىه معروفه يعني ^^
وبس هاللي اقدر افيدج فيه والسموحه منج ,,~
حتى والله معيريض قامت تطلع فيه محلات حلوه للعبي
وفي السوق الجديم ومركز سارة بعد عندهم مخاوير حلوة وعبي بعد
وعن محلات المخاوير شيء في سوق الجديم مخاوير ورخاص .. يعني مخورة ويا الخواره بتيلج ب 130 درهم
ومحلات العبي عندج دار الغلا .. بس عندهم الغالي وعندهم الرخيص على حسب الشغل
وشي محل روج على بحر الشارجه اربيعاتي يقولن غالي ومافيه شغل .. لان هي عبيها بس قصات ماتحط كرستال
نااادر ماتحط بعبيها كرستال اسعارها مابين 2600 و 1600
بس انا تعيبني ديزايناتها واسعارها..
وشيء بعد في سوق الجديم واايد محلات عبي سيري بتحصلين لج