هذي اول مرة أشارك فيها بهالقسم عاد اتمنى تعجبكم هالاكلة
المقادير:
1 بصلة متوسطة
تقريبا 5 او 6 روب يفضل الحامض مو الزبادي
1 ونص صلصة طماطم
1 دجاجة
كزبرة ونعناع وفلفل اخضر الحار
هيل وقرفة
البهارات اللي هيه ملح وثوم زنجبيل مطحون وكركم والبزار الأحمر
الطريقة
بعد ما تغسلون الدجاج تسوون فيه اول شي الملح والثوم زنجبيل عشان عقب الدجاج ما يطلع ما فيه ملح انزين عقب باقي البهارات وتخلطونهم زين وبعدين اضيفون الروب والصلصة والهيل والقرفة ترا القرفة اختياري اما الهيل اذا مطحون يكون أحسن الطعم بيطلع حلو لكن اضيفيه اخر شي قبل لا تخلص الصالونة بشوي المهم واضيفون الفلفل والنعناع اما الكزبرة عادي وياهم او اخر الشي بعد ما تخلص الصالونة وبس كذا بعد ما تخلطونهم سوو حمرو البصل عقب هالخلطة وتركيه لين ينضي الدجاج اذا حابة اضيفون شوية ماي بعد عادي او اذا تبونها ناشفة لا اضيفون الماي
عقب ما تحمرون البصل تسوون الدجاج ( الدجاج بعد ماينغسل اضيفون عليه ثوم زنجبيل وملح بس ) وممكن اضيفون مكعبات بطاطس تكون قليتوهم أحسن فالطريقة والطريقة اللي قبلها طبعا اختياري المهم بعد ما تشوفون الدجاج أخذ اللون الذهبي او استوا شوي تسوون الخلطة وخلاص تراها جداً سهلة ولذييييذة وسريعة
