بنتي الحين هذا ثاني اسبوع لها فالحضانه بسسس
قبل كانت واااااايد متشجعه عالحضانه وكل يوم تحن علي ابغي أسير نيرسري
وانا مستانسه اقول بتحب الحضانه ،، بس من اول يوم وديتها وهي مب حابتنها ،، قلت عشان توها اداوم بعدين لأني اخليها وأسير ،، اول يومين صاحت صياح بس عقبها بدت تتأقلم وموووول ما تمل هناك ،، يعني اول ما اوديها تصيح شوي او تزعل شوي وعقب خلاص أتم تلعب حتى يوم اتصل اسأل عنها يقولولي وااايد مستانسه و تلعب وتغني وتتعلم ،،بس من ترد البيت خلاص ما تبي تروح ،، واخليها ترقد وايد عشان تشبع رقاد وماتصيح وقت النشه الصبح ومع ذلك تصيح و متملله بس من تروح واخليها خلاص الوضع تمام و ما شاء الله عليها يمدحونها هناك انها اكتيف بس مادري ليش تكون جذيه فالبيت ؟؟ هل هذا يعني طبيعي لانها توها اداوم و وضع يديد عليها ؟؟ وبعدين بتتعود خلاص ؟؟ ولا بتم جذيه كل يوم طول السنه ؟؟
وبعد اممممم ،،،،
الحين كملت اسبوع تقريبا وانا ما أعطيها مرضعه خلاص ،،، تعشقها عشق وما صدقت ان ودرتها خلاص ،،، بس المشكله صارت ما تحب تشرب حليب احطلها في كاس مال ساندريلا وبيب عشان يعيبها وتشرب ،، تشرب لي نتفه وخلاص مع ان هو هو نفس الطعم مادري شسوي ،، استمر أني أعطيها حليب فالكاس وبتتعود مره على مره ولا خلاص بتودر الحليب وما بتشربه ؟؟ وهي مب من متنها وايد ضعيفه وأحاتي انها تكره الحليب الخلاص*
الله يطمن قلبج .. وتفرحين بها الفرحه الكبيره ^^
ونتريا اللي عندهن خبره
وعطيها جوائز اذا كانت شاطره او سمعت الكلام وبالتوفييييييق ^^
انزين ليش ما تخلين المدرّسه تكلمها عن أهمية الحليب بطريقة مبسطة
لأن اليهال وايد يسوون اعتبار للمدرسات
انا كنت حاطه بنتي فتره فالحضانه وكانت المدرسه الله يحفظها مثل البطه مع صيصانها وين ما تمشي الاطفال متعلقين فيها ويمشون وراها وهذا من قرابه سنه وماشاء الله لين اليوم بتني تتوله وودها ترجع عند مرستها مس سمونه^^..
يعني فالنهايه احس المدرسه هي الي تلعب اكبر دور من حيث تقبل الطفل للحضانه وطبعا جو اللعب والتسليه الي يخلي الطفل يشتاق لها..^^