بنات بغيت اسئلكم هذي طبيعي ام لا؟ بنت اختي تحب ريحه اللبان الي يدخنون فيه والله انها بتموت علي ريحته لدرجه ان اذا حد حط عود من الزين تقوم تشيله وتحط اللبان وتتنشق ريحته وتعجبر البيت من ريحته لدرجه ان اخواتها يتضايجون من الريحه وهي مثل الخبال تقول اذا في اليوم الواحد ماشميت هذي الريحه اتضايق واتنرفز واذاشميته ودخنت البيت وخصوصا غرفتها يعتدل مزاجها وترتاح مادري هذي طبيعيه ولا مادري حد مايحب ريحه العود ويروح يحط اللبان ويخلي البيت دخان كأنها تحضر اللهم ياساتر ارجو الحل يااخواتي هذا طبيعي ؟
اول مره اسمع عن جيه حاله بس اختي الصغيره كانت جيه وتخنقنا بريحة اللبان لين ماعرست تغيرت واتدخن بخور عادي عكل حال اللبان اذا نقعوه وشربوا مايه وايد زين للذاكره . الله يوفقج
بصراحة اللي اعرفة انه اللبان زين … وحتى يجتل الحشرات في البيت
انا احب ريحه اللبان نحن ما انبخر البيت الا باللبان
السلام عليكم
اختي هذا عادي انا احب اللبان خاصه في رمضان لان اللبان الرسول عليه الصلاة والسلام كان يحبه والملائكه تحبه و الشياطين يكرهونه
واللبان يصفي الخاطر اذا كان ضيق يعني اذا الواحد حس بضيجه في خاطره يحط مدخن فيه لبان تحته ويدخنبه والله اني مجربه بنفسي وهذي وصية عيووووووووووووز كبيره من نصحتني بها وفعلا يصفي الخاطر (اما اللي مايحبونه ويضايقون من ريحته اول مايشمونه ويحسون بضيقه في خواطرهم هذيلا لااااااااااازم يقرون على عمارهم والله اعلم) انشالله اكون افدتكم
على فكره هو حلو لو في الاسبوع خميس وجمعه بعد المغرب دخنون البيت كااااااااام لبان لانه زييييييييين يبعد الشياطين والروايح الكريهه مثل الطبيخ والحشرات
انا اللي اعرفه انه زين يقضي عالروايح الكريهة ويقتل البكتريا والجراثيم 
شكرا اخواتي علي ردودكم اعرف انه مثل ماتقولون بس هي مصختها بزياده يعني هي تفضل اللبان عن العود والبخور وكل يوم كل يوم يمكن في اليوم ثلاث او اربع مرات في اليوم الله يعين اهلها عليها