العام بنفس هذا الشهر توفى ريل وحدة من ربعي في الدوام بحادث وايد تعبت ولكنها تماسكت ومع بعض بالمحاضرات والتذكير والصبر مع بعض تجاوزنا همها بقلبها ولكن عشان هالأيتام كانت تتظاهر بالقوة وهذيه عايشة !!!!
شهر 12 في يوم ماطر والجو حلو كنت ويا أبلتي اللي مدرستني فالثانوية اشتغلت في نفس المكان معاها ^^ كنا نسولف نبتسم ونضحك .. كانت تتريا ريلها يرد من السفر وفجأة يانا الخبر ريل أبلة فلانه (((( مااااات )))) تميت واقفه منصدمه اقول مستحيل وعيالهم وهيه انزين هيه تترياه يرد وتتمنى تيب بيبي صغير وتتعالج … قالو ((( الله يرحمه )))) وخبرناها وكانت في صدمة وماكنت رايمه اصدق موووول ماقدرت اغمض عيوني وافجها واقول يارب انه حلم !!!!!
ومع بداية السنة اليديدة يوم الجمعة الصبح مسج غريب (( زوج فلانة توفى البارح بحادث ادعوله بالرحمة )) قلت منو فلانة أي فلانة قالو أم عبدالله صحت توهم معرسين ولدهم ماكمل السنة توه يقول بابا توها بأول العمر ….. حسيت إني في كابوس …
وأنا ممكن إيي دوري ؟!!!!
عيشت ريلي بإحساس فضيع بالخوووووووووف كل شوي أدق لو يمرض شوي أوسوس وأصيح !!!!
بجد ماتحمل مايكون ويايه ؟!!!!!!
ماتتخيلون لدرجة شو ماقدر أوصف لو مايرد عالفون أصيح أقول أـكيد فيه شي …..
إلى أن تمعنت في عبارة أخرجتني ولة قليلا من خوفي ألا وهي : ـ
( اللهم إني أستودعك زوجي وأبنائي، ربي إنها لا تضيع ودائعك )
مابقول ما أخاف بس أعرف إن الله ما بيخذلني ولا بيحرق قلبي على زوج وذرية !!!
ولو صار بيون لطيف حليم بي فربي كريم كريم كريم …..
اللهم احفظ لي زوجي وأبنائي واجعلهم قرة عين لي …
اختي لا تفكرين بهالمنطق لانه كل هذا وسوسه شيطان وكل شخص بيموت في الدنيا.. بس قيس تعبين نفسج الغاليه ..
موب زين تسوين جييييه.. ادري انج تحبين ريلج وعيالج بس بهالتفكييير اتعبينهم وياااج …
محــــــــــــــــــــــــــــد مخلــــــــــــــد فديت خشمج
والله يحفظ كل مسلم ومسلمه من الشر ..
ويحفظلج بو عيالج وعيالج ..
ويحفظلي بو عيالي ..
