شخباركن الغاليات؟؟
عساكم عالصحه
فديتكن انا مالجه..وريلي باجر بيحدر عندي يتعشى..وانا في خاطريه انا اللي اتكفل في العشى كللللللله…عطوني افكار شو اسويله شو ما اسويله..
ابى اعرف شو اطبخ له باجر..
يعني عشى كامل مع الاسويت..وتراني ادرس يعني ما ارجع البيت الا العصر..
فأبغي عشى اروم اخلصه بسرعه
حرام لا تبخلن علي
ومشكورات ^^"
سويله عصير افريش والاسويت سويله سنافر او كيك بس يكون خفيف مب ثجيل
اممم سويله سندويجات دياي تراها حلوه او سوي عرايس تراها سهله وسريعه
او الاسويت سويله دونت بعد سهل
العصير سويله افوكادو مع حليب حلو او عصير موز او كوكتيل انتي اتسوينه او عصير ليمون مع حليب بعد حلو
وانشالله البنات ما يقصرن
ادخلي قسم الطبخ بتلقين وصفااااااااات وااايد حلوه وسهله وسريعه
وربي يوفقج
المشاركة الأصلية كتبت بواسطة نواري قطر 
ادخلي قسم الطبخ بتلقين وصفااااااااات وااايد حلوه وسهله وسريعه
وربي يوفقج
نواري … الصورة اللي في توقيعج واااااااااايد حلو …
اهم شي سلطه …شوربه… طبق رئيسي …سويت …وعصير
السلطه …
تقدرين تاخذين خس امريكي وطماط من الصغار وخيار ويزر من الصغار وبروكي تقطعينه باحجام متناسقه وتحطيله زيت زيتون و تتبيلة كنور بنكهة الثوم والخل او الزعتر والريحان يطلع جنان
والشوربه ماعندي فكره عنها …
طبق رئيسي تقدرين تسويله معكرونه فيها لح او دياي او ربيان…
وطريقتي لمعكرونه اللفيتشوني بالربيان
المقادير…
معكرونه فيتشوني
زبده
ربيان فريش ومنظف
فلفل رومي اصفر واحمر وبرتقالي واخضر تقصينه شرايح طوال
فص ثوم مدقوق مع شويه زنجبيل
فطر طازج مقطع شرايح
كريما الطبخ
اول شي تحطين الزبده وشويه زيت زيتون عشان ماتحترق واضيفين عليهن الفطر بس اشوفينه بدا يذوب تحطين الربيان والفلفل الرومي وتخلطينه شوي بعد ماتشوفين الربيان بدا يستوي حطي عليه شويه ملح وفلفل اسود واحلا اذا كان فريش توه مطحون… وبعدين تحطين الكريما وتخلطينه وتضيفين الثوم والزنجبيل وتخلطينه ….احين تحطين المعكرونه بعد ماتفورينها وتخلطينه وخليه دقيقه وسكري عنه واهم شي تنكل سيده لانها حلوه وهيه حاره…
والسويت …تقدرين تاخذين كيك جاهز لانه مابيكون عندج وقت او تحطين ايس كريم فانيليا وعليه فراوله وتوت او فروت سلط ويا الايسكريم …
وعصير اناناس ويا برتقال او رمان او كوكتييل..
وتقدرين تطلبين مقبلات مثل الحمص والمتبل وغيره
ان شاء الله اكون افدتج والسموحه ع القصور
و جهزي سندويتشات خفيفة ، تقدري تسوي الخلطة اليوم و باكر بس تحطيها في خبز السلايز و تقطعينه مثلثات
اخلطي مايونيز+جبن سائل + ملح+فلفل اسود+جزرمبشور +بصل و اختاري ( دجاج مسلوق و مفتت، تونة او حتى نقانق مقطعة و مقلية) و اخلطي الخلطة بأيمن هالثلاث و خليه في الثلاجة في برطمان و اي وقت تقدرين تجهزين الشطاير و سلامتج